bwiza.com
Ahabanza » DRC: Icyorezo cy’Iseru kimaze guhitana abarenga 1500 muri uyu mwaka
Ubuzima

DRC: Icyorezo cy’Iseru kimaze guhitana abarenga 1500 muri uyu mwaka

 

Icyorezo cy’indwara y’Iseru cyimaze guhitana ubuzima bw’abantu barenga 1500 muri Repubulika Iharanira Demokarasi ya Congo kuva uyu mwaka watangira nk’uko bitangazwa na minisiteri y’ubuzima muri iki gihugu.

Minisiteri y’ubuzima muri Congo itangaza ko imaze kwakira abarwayi b’iseru bagera kuri 87,000 kuva uyu mwaka watangira. Ibibazo by’indwara y’iseru yibasiye cyane intara 23 mu ntara 26 zigize iki gihugu.Icyorezo cy’iseru kikaba kiri mu bice by’icyaro ndetse n’imigi.

Indwara y’iseru ni indwara yandura cyane kuburyo abantu bashobora kuyanduzanya mu buryo bworoshye. Gusa nubwo bimeze gutyo iyi ndwara ishobora gukingirwa cyangwa kwirindwa mu gihe hakoreshejwe inkingo zabugenewe.

Icyorezo cy’iseru cyagiye kizahaza ubuzima bw’abaturage bo muri Congo mu myaka yashize ,bitewe  n’umutekano muke ,ibikorwaremezo bidahagije birimo amazi meza cyangwa isuku n’isukura,ndetse n’inzego zishinzwe ubuzima zidakora neza.

Kugeza ubu, indwara y’iseru imaze guhitana abarenga 1500 kuva uyu mwaka watangira, abenshi muri bo akaba ari abana bari munsi y’imyaka itanu.

Inzego zishinzwe gukingira icyi cyorezo, zabwiye BBC ko bari gushakisha amafaranga ahagije kugira ngo bakumire iyi ndwara itaragera mu bice bitarageramo icyi cyorezo.

Mu kwezi kwa Mata , abana barenga miliyoni ebyeri( 2,000,0000) barakingiwe. Mu gihe abagera kuri miliyoni 1.4 aribo biteganijwe ko bazakingirwa mu minsi mike iri imbere.

Nkurunziza Viateur @ Bwiza.com

Izindi wakunda

Bwiza.com
error: Alert: Ntabwo byemewe!!