bwiza.com
Ahabanza » RDC: Babiri bakekwaho uruhare mu iyicwa ry’impuguke za Loni bashinjanye mu rukiko rubura gica
Amakuru Politiki

RDC: Babiri bakekwaho uruhare mu iyicwa ry’impuguke za Loni bashinjanye mu rukiko rubura gica

Kuri uyu wa Mbere, itariki 10 Kamena muri Repubulika iharanira Demokarasi ya Congo hasubukuwe urubanza rw’abakekwaho uruhare mu iyicwa ry’impuguke ebyiri za Loni, aho uwahoze ari umutangabuhamya muri uru rubanza, Jean Bosco Mukanda yahanganye n’uwitwa Vincent Manga bose bashinjanya kugira uruhare rufatika mu iyicwa rya Zaida Catalan na Micheal Sharp. Gusa, buri umwe yahakanye kubigiramo uruhare.

Jean Bosco Mukanda yasobanuye ko yiboneye Vincent Manga mu bayobozi b’inyeshyamba bafashe icyemezo cyo kwica impuguke za Loni ku itariki 12 Werurwe 2017 ahitwa Moyo Musuila. Uwahoze ari umutangabuhamya yanahishuye ko akurikije amakuru yahawe, Manga yanatwaye imwe muri moto izo mpuguke za Loni zakoreshaga mu rugendo.

Ubwo urukiko rwamuhaga ijambo, Vincent Manga yabeshyuje byose agira ati: “Arimo kubeshya. Ntabwo avuga ukuri,” aha yavugaga Mukanda. Manga akaba yasobanuye ko ahubwo Mukanda ari we wari ukuriye izo nyeshyamba zatwaye impuguke za Loni kugeza aho ziciwe.

Yasobanuriye urukiko ko Jean Bosco Mukanda yanasigaranye mèches z’imisatsi yaciwe ku mutwe w’umwe muri izi mpuguke za Loni. Ati: “Niwe Jean Bosco watwaye imisatsi agenda ayitangatanga.”

Zaida Catalan na Micheal Sharp

Nk’uko iyi nkuru dukesha Radio Okapi ikomeza ivuga, urukiko rwamubajije niba nawe yarakiriye izo mèches z’imisatsi yemera ko yayakiriye. Abajijwe icyo bayikoresheje, yasubije agira ati: “Simbizi. Niwe perezida ubizi.

Abajijwe kubyo ashinjwa, Jean Bosco Mukanda yabihakanye, yemeza ko yari no mu gace ka Moyo Musuila yihitira ku itariki 12 Werurwe 2017.

 

Izindi wakunda

1 Igitekerezo

isomo 11/06/2019 9:24 pm at 9:24 pm

Mu rukiko si ubukiniro!!!!!!!!!!!!!!!!!!. Bazi ko bavugira imbere ya babyara babo!!!!!!!!!!!!!!!!!!!!!!!!. Bapfa gusa kuba bari bahari.!!!!!!. Bameze nk’inyana zo mu biraro zitazi uko hanze hasa. Iyo zigeze hanze zirakinagira kdi zireba umushumba yitwaje inkoni.

Subiza

Tanga Igitekerezo

Bwiza.com
error: Alert: Ntabwo byemewe!!