bwiza.com
Ahabanza » Justin Bieber yasabye Tom Cruise ko yaza bagahangana mu iteramakofi
Imyidagaduro

Justin Bieber yasabye Tom Cruise ko yaza bagahangana mu iteramakofi

 

Umuhanzi w’icyamamare mu njyana ya ‘Pop’ ukomoka mu gihugu cya Canada Justin Bieber yasabye umukinnyi wa filime Tom Cruise wamamaye cyane muri filime ya’’ Mission Impossible’’ ko yaza bagahangana mu mukino w’iteramakofe.

Ibi Justin Bieber yabisabye icyi cyamamare muri filime abinyujije ku rukuta rwe rwa Twitter. Mu ijoro ryo ku cyumweru tariki ya 9 Kanama 2019, nibwo Justin Bieber yatangaje ko ashaka guhangana na Tom Cruise mu mukino w’iteramakofi.

Abinyujije ku rukuta rwe rwa Twitter yagize ati’’ Ndashaka guhangana na Tom Cruise mu mukino w’iteramakofi’’. Yakomeje agira ati’’ Tom , nuramuka utubahirije icyifuzo cyange, biragaragara ko wasunnye’’.

Abantu batandukanye bagiye banenga Justin Bieber w’imyaka 25 y’amavuko ku rubuga rwa Twitter kuko bavuze ko Tom Cruise w’imyaka 56 y’amavuko afatwa nka se dore ko amurusha imyaka 31, bityo Bieber atarakwiye gutangaza ibi bintu.

Kugeza ubu, ntawe uzi impamvu uyu muhanzi yatangaje aya magambo ndetse na Tom Cruise ntacyo aratangaza kuri ibi.

Nkurunziza Viateur @ bwiza.com

Izindi wakunda

Bwiza.com
error: Alert: Ntabwo byemewe!!