bwiza.com
Ahabanza » Ma mère m’a tué : Uko umubyeyi yagambanye n’abicanyi ngo bamare abana be
Amakuru Politiki

Ma mère m’a tué : Uko umubyeyi yagambanye n’abicanyi ngo bamare abana be

Mu kiganiro ku gitabo Ma mère m’a tué cyanditswe na Albert Nsengimana,wari ufite imyaka irindwi mu gihe cya Jenoside yakorewe Abatutsi, yavuze ko iki gitabo kivuga uburyo yarokotse hamana umugambi mubisha wari wateguwe na nyina umubyara kugira ngo we na benenyina bose bicwe muri Jenoside.

Iki kiganiro, café Littéraire, cyateguwe na Komisiyo y’Igihugu yo Kurwanya Jenoside (CNLG) mu rwego rwo kwibuka ku nshuro ya 25 Jenoside yakorewe Abatutsi mu 1994.

Ku myaka irindwi gusa, Albert Nsengimana yabonye nyina umubyara ajyanira benenyina abicanyi .  Ni we wenyine wabashije kurokoka mu bana icyenda, abandi bose bishwe ku kagambane ka nyina ubabyara.

Alber Nsengimana yavuze ko mbere ya Jenoside yabonaga urubyiruko rufite imyaka iri hejuru ya 12 ruhabwa imyitozo ntiyite kubyo kumenya impamvu  rwahabwaga iyo myitozo. Nyamara nyuma yaje kubona ko imyotozo bahabwaga yari iyo kwica kugira go bazakore Jenoside.

Yavuze ko ise umubyara yahoraga atotezwa na bagenzi be bamwita Inyenzi.

Ku itariki ya 7 Mata 1994 nibwo yumvise kuri radiyo bavuga ko indege ya Perezida habyarima yahanuwe , kandi ko ari Abatutsi bayihanuye, ko Abahutu bagomba kwica Abatutsi batarabatanga ngo bo babice.

Ku itariki ya 8 Mata 1994, Albert Nsengimana avuga ko yabonye Ngenzi Octavien wari burugumesitiri wa Komine Kabarondo, akoresha inama abaturage hafi y’iwabo ababwira ko umwanzi wenyine uhari ari uUmututsi kandi ko bagomba kumurimbura.

Nyirarume yari umukuru w’interahamwe zari zashegeye kubica.

Yagize ati “ ndabyibuka neza mu mutwe wanjye. Nabonye benemama batatu bacibwa imitwe banacogagurwa. Nari njyenyine mu ishyamba maze iminsi ibiri ntacyo ndya. Ubwo natekereje ko ngomba gusubira kwa nyogokuru nkongera nkabasaba kumpisha. Ubwo nahageze mama yamaze kujyana barumuna banjye babiri aho aho abicanyi bari bari, bahise bicwa ako kanya na marume wari uyoboye abo bicanyi”.

Yakomeje avuga ko “ubwo mama yagarutse, yambwiye gukara intoki ampa amazi, ngira akanyamuneza nkeka ko agiye kumpa ibyo kurya, nyamara siko byagenze kuko yahise anjyanira abicanyi. Ubwo muri uwo mwanya abicanyi banywaga inzoga  bishimira ko bishe Abatutsi benshi. Marume wari wahawe na mama inshingano zo kunyica, yarwanye n’undi Mugabo bapfa ko afite umugore w’umututsikazi. Abo bombi baricanye, ubwo nanjye mpita niruka njya kwihisha muri kiliziya hamwe n’abandi.

Ibyo nabyo nymara ntibyamuhaye Icyizere cyo kurokoka kuko abapadiri bamwe barekaga Interahamwe zikinjira mu Kiliziya zikaza kubica. Bamwe muri bo bahunmgiye mu ishyamba ryari hafi aho kugeza Inkotanyi zihageze zikabarokora.

Amb. Nduhungirehe Olivier, Umunyamabanga wa Leta muriMinisiteri y’Ububanyi n’Amahanga yavuze ko bitumvikana ukuntu umubyeyi watwise abana icyenda, buri wese amezi icyenda yabajyaniye abicanyi kubushake bwe. Yavuze ko ibyo bigaragaza ububi bw’ingengabitekerezo ya Jenoside aboneraho gusaba uruhare rwa buri wese mu kuyirwanya.

Umuyobozi mukuru w’ikigo cya CNLG cy’ubushakashatsi n’ububikoshakiro kuri Jenoside, Dr Gasanabo Jean-Damascène, yavuze ko kugira ngo ingengabitekerezo ya Jenoside iranduke burundu bisaba uruhare rwa buri wese .

 

Izindi wakunda

Bwiza.com
error: Alert: Ntabwo byemewe!!