bwiza.com
Ahabanza » Menya uburyo bwiza bwo gutangira umunsi
Ijambo ry'Imana Nibintije Evangelical Ministries International (NEMI)

Menya uburyo bwiza bwo gutangira umunsi

Zaburi 149:5
“ abakunzi be bishimire icyubahiro ibahaye, baririmbishwe n’ ibyishimo, baririmbire mu mariri yabo”

Mu gihe tubyutse mu igitondo, ni ikihe kintu ubanza kugira mu ibitekerezo byawe. Waba ubyuka ufite indirimbo mu minwa yawe? Iyo utangiye umunsi uri guhimbaza Imana, uba utangiye umunsi uri kwihuza n’ Imana y’ Inyambaraga. Iyo ubayeho mu ubuzima bwo guhimbaza Imana, biba bigaragaza ko ukwizera uba ufitiye Imana yawe.

Guha Imana icyubahiro ni ikintu cyagombye kuba icya mbere mu bintu ugomba gukora mbere y’ibindi byose, ubyuka ukora mu igitondo, ntabwo kiba ikintu ukora ubwa kabiri cyangwa ukora kuko ufite umwanya. Oya. Tugomba kuvuga igihe cyose ibijyanye n’ ineza y’ Imana. Ugomba kubwira abantu uko Imana igenda iguha umugisha, uko igenda igutabara mu ibibazo uhuye nabyo, ugomba kubwira isi ko ufite Imana ishoborabyose kandi y’ inyembabazi, ugomba kubwira abantu ko Imana yawe ari urukundo kandi ko ibakunda, gusa ko yanga ibyaha ariko igakunda abanyabyaha kandi ibifuriza kubivamo bakabohoka.

Iyo mbwiye abandi uko Imana yampaye umugisha, nta gihe kinini gishyira itanyongeye undi mugisha, iyo mbwiye abandi ineza yangiriye mu ibibazo nari mfite nabwo ihita inyereka n’ ibindi bibazo biri imbere yanjye maze ikampa ubwenge bwo kubyirinda.

Aho turi hose haba: utwaye imodoka, yaba uri mu imirimo yawe cyangwa mu akazi ikora, waba uri guteka ari mu igikoni, cyangwa uri muri salon , uri kuruhuka ugomba gutekereza ku ibyo Imana yagukoreye cyangwa yagukoreye, yakoreye umuryango wawe, igihugu cyawe maze ukaba wavuga uri ” NDAGUKUNDA MANA YANJYE.” Nguhaye “ICYUBAHIRO” uyu munsi. Gushimiye undi munsi wongere kumpa.

Kandi wasubira kuryama n’ ijoro ukongera ukayiha icyubahiro kuko yabanye nawe kandi ko ari yo kwiringirwa. Nshuti y’ Imana iyo uhaye Imana icyubahiro mu nzira iyo ariyo yose haba mu ndirimbo, haba kuyisenga ndetse no mubindi bikorwa biyihesha icyubahiro. Ijambo ry’ Imana ritubwira ko Imana yacu y’ inyambaraga ijya kurwanya umwanzi wacu uduteza ibigeragezo. Kubera ko: Guha imana icyubahiro bikurikirwa no guhabwa intsinzi . Bityo tandirana umunsi neza kandi ube mu ubuzima bwo guha Imana icyubahiro.

Iri jambo murigezwaho kandi muritegurirwa n’Umukozi w’Imana, Rev./Ev. Eustache Nibintije, Umunyeshuri wa Patriots Bible University yo muri Leta Zunze Ubumwe za Amerika abinyujije muri Minisiteri ye y’ivugabutumwa yise “Nibintije Evangelical Ministries” yigisha ijambo ry’Imana nkuko Imana yamuhaye uyu muhamagaro ikamwuzuza ubwenge bwo kugira ngo agirire abantu benshi umumaro.

Imana ibahe umugisha….!

Nibintije Evangelical Ministries International (NEMI)
estachenib@yahoo.com
Tel:+14128718098
WhatsApp:+14123265034

Izindi wakunda

Bwiza.com
error: Alert: Ntabwo byemewe!!