bwiza.com
Ahabanza » Urugomo mu Madini – Igice cya kabiri
Iyobokamana

Urugomo mu Madini – Igice cya kabiri

Ushobora gusoma inkuru yambere yabanje

Urugomo mu Madini (violence dans les religions)- Igice cya 1

3.Isesengura ryimbitse ry’amagambo (concepts) idini n’ urugomo

3.1.1. Idini 
Turagerageza gusobanura idini mumyumvire ya kisilamu n’iyagikristu

3.1.1. Igisobanuro cy’idini mumyumvire ya kisilamu.

Mugitabo :Dictionnaire du Coranéd Robert Lafont, Paris 2007 cyasobanuye ijambo idini muburyo burebure. Nkaba nifuje kubibagezaho ngenekereje kubihindura mukinyarwanda. Icyitonderwa : Hamenyerewe kw’ijambo ry’igifaransa Religion risobanurwa nk’Idini ryo mu rurimi rw ‘Icyarabu. Nyamara iyo ubirebye ntibivuga kimwe kubera kw ‘imico y’izo ndimi zombi itandukanye. Gusa ntan’uwavuga ko bihabanye cyane.

Ijambo idini ryakoreshejwe inshuro 92 muri Coran, harimo inshuro 47 mu ma Sura yahishuriwe I Makka, n’inshuro 45 mu masura ya Madina. Muri izo nshuro naho hazamo ibisobanuro by’ubwoko butatu nk’uko byerekanwanaYazbeck Haddad. 1/ Mu minsi ya mbere tya Makka,din byasobanuraga: Urubanza, ibihembo, (yawm din2:4) Umunsi w’urubanza. 2/ Igisobanuro cya kabiri kiboneka muri aya tnka30 zo mu masuratya nyuma ya Makka. Bikavuga ibijyanye n’amategeko n’imigirire (coutumes et lois) bikajyana no kuyibombarikaho bizana umuco mwiza mu bantu. Iyo myitwarire Bravmann Michael abihuza n’imyitwarire myiza ya Muntu, inzira nziza igana ku Mana, ya dinu, dayn mbese nk’ideni Umuntu agirira Imana kubyiza yamugiriye ndetse bakabihuza na Tawhid. (Cor8:39, 12:76)

3/ Igisobanuro cya gatatu : iki gice kizamo ayatza nyuma za Makka n’iz’iMadina. Cyerekana idini y’amategeko y’Inyoko Muntu niho haza moidini ya Ibrahim, idini ya Ummat Muslimat. Aha ni ho Corani garagaza cyane kubaho kw’idini imwe ibereye abantu bakwiye kwibombarikaho kuko yahishuriwe Intumwa zose, hakaza kubaho kuyitatira (altérer) hanyuma Muhamad (sw) akazana urwibutso rubagarura kw’idini nyayo batannye ishingiye kuri almithaaq (alianceoriginele). Iki gice nicyo abanditsi bose bashyize imbere.(6:161, 61:9)

3.1.2.Igisobanuro cy’idini mumyumvire ya gikirisitu:

Ijambo Idini ryagize urugendo rungana nk’urw’Ubukristu ubwa bwo.Muzi ko ihishurwa rya Bibiliya ndetsen’Ivanjili yaYezu byabereye muri Palestina (Yeruzalemu, Galileya, Nazareti etc) abigishwa be bahise bimukira m’Ubugereki, hanyuma muri Roma (Ubutaliyani).

Ubutumwa bwajemo. Langage ihindutse, bihindura ubutumwa maze ibyari parabole (kuvugira mu migani) bihinduka concept langage iva muriparabole ihinduka discursif.(diskuru iteguye, ikurikiranye mu buhanga bwahimbwe na Aristote:rhétorique aristotélicienne ) Ikigaragara ni uko iryo hindagurika ry’ijambo idini ryaterwa n’iryohinduka rya baye hagati y’ihishurwa n’iyamamazwa (révélation na expansion cg propagation) bigira ingaruka k’ubutumwa ubwabwo. Urugendo rwose rwagiraga ingaruka kw’ijambo idini ndetse no k’ubutumwa ubwa bwo.

Inyigisho za Yezu zigeze mu Bugiriki, zasanze hari ijambo bita religiorisan ‘iri hanganisha imitwe ibiri: Umutwe umwe unakomeye w’abashingira kw’idini rya filozofiya, n’Umutwe w’abashingira kuma dini twakwita gakondo. Byombi bikitwa kimwe. Inyigisho za Yezu nazo zijya mu zindi zifatwa nk’inyigisho z’amadini gakondo. Bayashakiye izina maze bayita religio bayabuza kwigaragaza mu ruhame ariko bayarekera mu ngo no mu miryango. Uko kubitandukanya ntikwavanyeho burundu imigenzo Ubutegetsi budashaka, maze barongera bashaka kubitandukanya nyabyo, babishakira izina rishya. Imigenzo (pratiques) 
itemewe yitwa superstitio (Ubupfumu) maze imihango yemewe isigarana religio.

Icyitonderwa: 
Hagiye habaho icyo Umuntu yakwita amakimbirane (tensions) hagati y’imyumvire y’Abagiliki ishingiye kuri filosofiya n’imyumvire y’Abaromani ishingiye kumategeko (droit) mbere y’uko babihuza bikabyara ubukristu dufite uyumunsi.

Umulatini wa mbere wakoze ibikomeye maze ahuza iyo myumvire yombi ndetse abasha no kwemeza icyo yise Uerare ligio UeriDei : Idini rimwer y’Imana imwe y’Ukuri ni uwitwa Tertulien (160-220). Uyu mulatinini we wabashije guhindura ibintu muburyo bita radical kuko kugeza kiriya gihe Ubukristu bwari buzwi nka ya madini y’Ubupfumu (superstitio) maze arabigaranzura ahubwo ibyabo aba aribyo ahindura Ubupfumu maze Ubukristu

Buhinduka idini y’Ukuri yonyine.
 Ntiyagarukiye aho gusa mu guhindura superstition idini ahubwo yabashije guhindura Ubukristu idini y’ukuri mu gihugu (espace politique et social) abasha no guhigika andi ma dini maze ayahindura amadini y’abapfumu (superstition). Uko guhigika idini y’abaromani akayisimbuza Ubukristu, ndetse bikaninjira mu nzego za politiki n’imibereho (politique etsociale) byatumye idini y’Ubukristu nayo igira ibyo itakaza n’ibyo yinjiza mw’idini yayo.

Ishingiye kumyumvire ya kigiliki yemeje ko filosofi yaari yo dini yemewe nyayo kandi ikomoka ku Mana (révélation) nk’uko bivugwa na Justin mu kiganiro yagiranye naTryphom 8,1. Bityo ibyari ibitekerezo bihinduka Ukwemera. N’ukogusimbura idini y’Abaromani byasabye ikiguzi gikomeye Ubukristu. Iryo hinduka ryabaye mu mpande zombi, bityo Ubukrisitu nabwo bwinjiza mu mahame yabwo iby’Uburoma kugirango bukunde bwemerwe n’ubutegetsi mu gihugu.

Mukurangiza kuvuga kuriirihinduka byaba byiza nerekanye ibice by’ingenzi ijambo idini ndetse n’imyumvire ya byo ryanyuzemo nkuko bivugwa na MauriceSachot:

1.Igihe cy’ihishurwa (moment sémitique) ihishurwa ry’Ivanjili, kirangwa no kuyoboka kwa Muntu kugiti cye bigaragarira mu nyigisho za Bibiliya mu Makoraniro.

2.Igihe cyo mu Bugiliki ivanjili ihinduka philosofiya ndetse filosofiya nyayo (elaboration conceptuele du christianisme et la catéchèse: gatigisimu)

3.Igihe cy’Abalatini Baromani: Idini ihinduka urwego rwa Politique n’ikorwa ry’amategeko y’idini agenga imyemerere n’imigenzo (élaboration des textes législatifs concernant aussi bien la doctrine queles pratiques)

Bityo rero iyo mihindagurikire yerekana idini ya gikrisitu mu nzego nk’eshatu z’ingenzi: Umuntu ushobora kwemera, akayoboka akaniyemeza (croyance, adhésion, 
engagement) 
Ubumenyi bushingiye kumyumvire ya science na philosophie 
imbaga ihamye ishingiye kuri politique n’imibereho myiza (société instituée 
politique mentet socialement)

Omar Servil Ntagengwa

Tuzakomeza nindi nyandiko ubutaha…..

 

 

Izindi wakunda

1 Igitekerezo

Urugomo mu Madini – Igice cya gatatu - bwiza.com 17/06/2019 8:36 am at 8:36 am

[…] Urugomo mu Madini – Igice cya kabiri […]

Subiza

Tanga Igitekerezo

Bwiza.com
error: Alert: Ntabwo byemewe!!