bwiza.com
Ahabanza » Charles Ntakirutinka avuga ko Padiri Alexis Kagame yamubereye urugero rwiza
Amakuru Amateka Amateka n'umuco

Charles Ntakirutinka avuga ko Padiri Alexis Kagame yamubereye urugero rwiza

Charles Ntakirutinka avuga ko hagati 1967 na 1969, Padiri Kagame Alexis yamubereye umwarimu i Kansi i Butare amwigisha amasomo y’  Ikinyarwanda n’ Amateka y’ U Rwanda.

Mu kiganiro na Bwiza.com, Charles Ntakirutinka yashimangiye ko Padiri Alexis Kagame waje guhabwa ubusenyeri bw’ icyubahiro yari umunyarwanda wuzuye ndetse yamuhaye n’ urugero rwiza mu mpande zose z’ ubuzima.

Tumubajije ikintu kidasanzwe yaba yarungutse ku kuba yaragize amahirwe yo kwigishwa na Padiri Kagame, Charles Ntakirutinka yagize ati” Byampaye urugero rwiza kuko nasanze kuba umunyabwenge no kugira stature ni uko ugomba kuyikoresha mu kwereka abari mu makosa ko bagomba kwikosora.

Padiri Kagame w’ imico myiza n’ ukuri

Ntakirutinka avuga ko Kagame yari wawundi utarangwagaho n’ amatiku , n’ ivangura iryari ryo ryose ahubwo yahoraga yiteguye guha ubumenyi buri wese umugana kandi neza (genuiniley), uyu mugabo yari inzu y’ ibitabo (bibilotheque ) yari umuhanga pe! azi byinshi kandi yiteguye kubusangiza n’ abandi “.

Yakomeje na none yerekana ko Kagame yaganiraga n’ abayobozi ariko byanze bikunze adakunze ndetse atanashyigikiye ibyabo, kuko kuri buri ngoma yavuga ibyo abona byose akavangura ibyiza n’ ibibi ndetse akabyandika mu bitabo akanabibwira ba nyir’ ubwite.

Akomeza ashima inyurabwenge n’ ubutwari bya Padiri Kagame agendeye ku gitabo cye “Abrege de l’ Histoire du Rwanda” yerekana uburyo yanengaga ibitekerezo bipfuye by’ abanyapolitiki ndetse akababwiza ukuri atitaye ku ngaruka ariko na none akoresheje ubuhanga bwinshi n’ ikinyabupfura .

Aha Padiri Kagame yanenze byimazeyo ikosa ryakozwe mu Itegekonshinga ry’ U Rwanda ryavugaga ko nta mwana w’ Umunyiginya uzongera gutegeka kuko bene wabo bigeze gukora amakosa , abwira abo bategetsi bakoze amakosa.

Ku musozo w’ iki kiganiro twagiranye na Charles Ntakirutinka wabaye umwe mu bategetsi bakuru muri Leta ya Perezida Juvenal Habyarimana ndetse anayobora Minisiteri eshatu nyuma ya jenoside yakorewe  Abatutsi, yemeza ko urugero yahawe na Musenyeri Alexis rwamubereye impamba nziza yakomeje kumurikira ubuzima bwe.

Mu nyandiko ze nyinshi , Alexis Kagame yagiye yibanda ku mateka y’ ingoma zose iz’ abami kuva kuri Kigeli IV Rwabugiri kugeza kuri Repubulika ya Perezida Juvenal Habyarimana.

Charles Ntakirutinka wigishijwe na Musenyeri Kagame

Izindi wakunda

Bwiza.com
error: Alert: Ntabwo byemewe!!