bwiza.com
Imikino

Manchester United izatangira yakira Chelsea mu mikino ya Shampiyona y’Ubwongereza 2019/2020

 

Kuri uyu wa kane tariki ya 13 Kamena 2019 , nibwo ishyirahamwe ry’umupira w’amaguru mu Bwongereza FA ryashyize ahagaragara uko amakipe azakina mu mwaka w’imikino ya Shampiyona y’igihugu cy’u Bwongereza 2019/2020.

Iyi shampiyona ikunzwe kurusha izindi ku isi, izatangira tariki ya 9 Kanama 2019 isozwe tariki ya 17 Gicurasi 2020. Ku munsi wa mbere wa shampiyona y’iki gihugu izatangirana imikino ikomeye irimo uzahuza ikipe ya Manchester United na Chelsea.

Uyu mukino uzaba tariki ya 11 Kanama 2019 ubwo shampiyona izaba itangiye. Ni umukino uzaba ukomeye cyane dore ko aya makipe asanzwe ahangana mu buryo bukomeye muri shampiyona.Mu mwaka w’imikino ushize ikipe ya Chelsea yarangije iri ku mwanya wa gatatu mu gihe ikipe ya Man United yarangije iri ku mwanya wa 6.

Ikipe ya Manchester city yatwaye igikombe cy’umwaka ushize izatangira ijya gusura ikipe ya West Ham. Liverpool yarangije ku mwanya wa kabiri irushwa inota rimwe, izatangira yakira ikipe ya Norwich City. Ikipe ya Arsenal ifite abafana batari bake hano mu Rwanda izatangira shampiyona ikina na Newcastle United.

Dore uko amakipe azahura ku munsi wa mbere wa shampiyona :

Tariki ya 9 Kanama 2019, Liverpool vs Norwich City

Tariki ya 10 Kanama 2019, West Ham vs Manchester City
Bournemouth vs Sheffield United
Burnley vs Southampton
Crystal Palace vs Everton
Leicester City vs Wolves
Watford vs Brighton and Hove Albion
Tottenham vs Aston Villa
Tariki ya 11 Kanama 2019, Newcastle vs Arsenal
Manchester United vs Chelsea

Nkurunziza Viateur Bwiza.com

Izindi wakunda

Bwiza.com