bwiza.com
Ahabanza » Burundi: HRW iratabariza abanyapolitiki 10 baburiwe irengero
Amakuru mu mahanga

Burundi: HRW iratabariza abanyapolitiki 10 baburiwe irengero

Umuryango mpuzamahanga uharanira uburenganzira bwa muntu, Human Rights Watch wemeza ko ishyaka CNDD-FDD riri kubutegetsi mu Burundi rifatanyije n’ Imbonerakure ryakubise, rifunga mu buryo butubahirije amategeko ndetse ryica abanyapolitiki bo muri opozisiyo.

Aha igipolisi cya Leta y’ u Burundi cyari cyibasiye uwigaragambyaga muri 2015

Ibi byatangajwe muri Raporo ya HRW yo kuwa 13 Kamena 2019, ubwo byagaragajwe ko Leta ya Perezida Pierre Nkurunziza yakomeje guhohotera abatavuga rumwe nayo kuva muri Gicurasi 2018 ubwo hategurwaga kamarampaka.

Uyu muryango  HRW wakomeje gushyira mu majwi urubyiruko rwa CNDD-FDD, Imbonerakure ngo kuko zikomeje kotsa abaturage igitutu zibasaba kuba abayoboke b’ ishyaka ryabo bityo bazabone amajwi menshi mu matora ya Perezida wa Repbulika ateanyijwe muri 2020.

Izi Mbonerakure zibifashijwemo n’ abayobora inzego zibanze mu Burundi baherutse guhohotera ku mugaragaro abayoboke b’ ishyaka CNL mu Ntara 18 z’ igihugu kandi icyo gihe byakozwe  nta gihano na kimwe zahawe, nk’ uko bitangazwa na Afriquelibre.

Umuyobozi wa HRW muri Afurika yo Hagati, Lewis Mudge yatangaje ko abatavuga rumwe na Leta mu gihugu cy’ u Burundi bakomeje kwibasirwa bikomeye.

Yagize ati” Bamwe mu bayobozi n’ Imbonerakure barahohotera abaturage kandi ntihagire uvuga kuko nta tangazamakuru ryigenga na sosiyete sivile bihari.

Mu nama y’ umutekano ku Burundi iteganyijwe Kuwa 14 Kamena 2019, ibi bibazo by’ iburirwirengero n’ ihohoterwa ry’ ahato n’ ahato ku batavuga rumwe na CNDD-FDD birasubirwaho by’ umwihariko.

Izindi wakunda

Bwiza.com