bwiza.com
Ahabanza » Gishari: Aba-DASSO 429 basoje amahugurwa yo gutyaza ubumenyi- AMAFOTO
Amakuru

Gishari: Aba-DASSO 429 basoje amahugurwa yo gutyaza ubumenyi- AMAFOTO

Kuri uyu wa gatanu, i Gishari mu ishuri ry’amahugurwa Polisi y’u Rwanda (Police Training School) hasojwe amahugurwa yo gutyaza ubumenyi (refresher course) yari yaritabiriwe n’aba-DASSO 429 barimo 37 b’igitsina gore baturutse mu mirenge yose y’igihugu.

Muri aya mahugurwa yari amaze ibyumweru bitatu (3) bahawe amasomo abongerera ubumenyi mu kazi kabo kaburi munsi bahawe n’inzego zitandukanye zirimo MINALOC, Urwego rw’Umuvunyi, RDF, n’izindi zitandukanye.
Mu masomo bahawe kandi harimo ayo gukunda igihugu, gutanga service inoze kandi neza, kumenya no kurwanya ruswa, akarasisi, imbunda, gutanga amakuru no gucunga umutekano w’abantu n’ibyabo.

Asoza aya mahugurwa yabo, ACP Uwimana SAFARI wari umushyitsi mukuru muri uyu muhango yibukije aba-DASSO nasoje amahugurwa ko imikoranire y’inzego ariyo yubaka igihugu kandi ikinyabupfura no gukora kinyamwuga bisigasira isura y’urwego rwabo.

Muri iki cyumweru ubwo yasuraga aba ba-DASSO bari bari mu mahugurwa, Minisitiri w’Ubutegetsi bw’igihugu Prof. Shyaka Anastase yabashishikarije kurushaho kwita no kubaha umuturage, Guha umuturage Serivisi nziza uko bikwiye, Gutanga amakuru ku cyabangamira Umuturage ntacyo bishisha, Gukora Akazi kabo kinyamwuga.Kuzamura ikizere bagirirwa n’Umuturage.

Umwe mu ba-DASSO wasoje aya masomo witwa Nzasingizimana Innocent uturuka mu Karere ka Huye avuga ko aya mahugurwa ari ingenzi cyane, kuko abenshi nyuma y’amahugurwa y’ibanze batabona andi.

Ati “Bitugaruyemo imbaraga kuko twabashije kuganira n’abo mu tundi turere twungurana inama.”

Aya mahugurwa ngo azabafasha cyane mu gutinyuka gutanga amakuru ku gihe, barwanya ruswa n’akarengane, bita ku iterambere ry’umuturage no kunoza imikorere, barwanya icyadindiza ikerekezo k’igihugu.

 

Izindi wakunda

Bwiza.com
error: Alert: Ntabwo byemewe!!