bwiza.com
Ahabanza » Ubusuwisi: Umuhanzi Jah Bone D arakataje mu mikoranire n’abahanzi mpuzamahanga
Amakuru Imyidagaduro

Ubusuwisi: Umuhanzi Jah Bone D arakataje mu mikoranire n’abahanzi mpuzamahanga

Umuhanzi w’ Umunyarwanda, Rurangirwa Darius uzwi ku izina rya Jah Bone D, uririmba mu njyana ya Reggae, wamamaye cyane mu ndirimbo “Si Abantu” afatanyije n’ abacuranzi banditse amateka ,arateganya gushyira hanze umuzingo mushyashya w’ indirimbo ziri ku rwego mpuzamahanga.

Iyi ntero yashimangiwe na Rurangirwa Darius uzwi ku izina rya Jah Bone D Kageme mu kiganiro kirambuye na Bwiza.com ubwo yavugaga ko nta kindi ahugiyeho usibye gutunganya indirimbo ze nshya zikubiyemo ubutumwa bw’ amahoro, urukundo, gushishikariza abantu gusobanukirwa aho Isi igeze n’ uburyo bakwita ku bintu bibafitiye umumaro bakareka gutakaza umwanya wabo.

Jah Bone Bone aho ari mu Busuwisi yadutangarije ko kuva mu mpera za 2019 ahugiye mu gutungunya indirimbo ze nshya ariko ari gukorana byo hafi n’ abacuranzi mpuzamahanga bafite ubunararibonye mu njyana ya Reggae.

Jah Bone yagize ati” Bafana banjye mu Rwanda by’ umwihariko abakunzi ba Reggae mushonje muhishiwe! kuko ubu aho tuvugana ndi gukorana na Andrew Dennis Spyda wo muri Raging Fire ndetse n’ umuvuzi w’ ingoma kabuhariwe wo mu Itsinda Israel Vibration ndetse n’ umucuranzi wa gitari solo , Djul La Charme usanzwe ucurangira igihangange muri reggae , Alpha Blondy”.

Uhereye ibumoso ni Djul la Charme ubwo yacurangiraga Alpha Blondy 

Jah Bone D, mu gitaramo ubwo yaherukaga mu Rwanda

Ku musozo w’ ikiganiro twagiranye na Jah Bone D utuye mu Busuwusi yavuze ko  kugeza magingo aya ,ashishikajwe no guhanga indirimbo zishobora kugira uruhare rukomeye (impact) mu guhindura imyumvire y’ abantu bacyibaza ko bakizwa n’ abera mu gihe abera nabo bagishakira ubutunzi bwabo muri Afurika.

Uyu muhanzi w’ indirimbo ndetse unandika ibitabo arakataje mu kwigisha abanyamahanga indangagaciro nyafurika muri rusange ndetse nyarwanda by’ umwihariko kuko yizera ko ari yo nzira nyakuri yo gukomeza urugamba rwo kwibohora nyabyo.

Iri ni Itsinda Raging Fire rifitanye imikoranire ya hafi na Jah Bone D

Izindi wakunda

2 Ibitekerezo

Gaston Rwaka 16/06/2019 7:44 pm at 7:44 pm

TurakwEmera JAH BONE DARIUS !UZAZE UDUTARAMIRE I KIGALI

Subiza
Gaston Rwaka 16/06/2019 7:45 pm at 7:45 pm

Uyu niwe mu Rasta nabonye style ye ni Alpha ku gahuru

Subiza

Tanga Igitekerezo

Bwiza.com