bwiza.com
Ahabanza » Imfubyi za politiki za Mitterand ntizikozwa uruhare rwe muri jenoside yakorewe Abatutsi
Amakuru Politiki

Imfubyi za politiki za Mitterand ntizikozwa uruhare rwe muri jenoside yakorewe Abatutsi

Nyuma y’aho umunyapolitiki Raphaël Glucksmann ubarizwa mu ishyaka rya Mitterand  asabiye ko Abaminisitiri 23 bakoranye na we bisobanura ku ruhare rw’ Ubufaransa muri jenoside yakorewe Abatutsi, bo si uko babibona.

Ishyaka ry’ Abasosiyaliste mu Bufaransa ryahise ritangira kwikoma Raphaël Glucksmann rivuga ko ahubwo ingabo zabo zari mu Rwanda zari iza mbere zagerageje kurwanya jenoside yakorewe Abatutsi.

PS ya Mitterand iranangira uruhare yagize muri jenoside

Abadepite bahagarariye ishyaka ry’ abasosiyalitse(PS) mu Nteko nka Hubert Védrine, Bernard Cazeneuve, Jack Lang ,Elisabeth Guigou ndetse na Roland Dumas nibo bamaganye mugenzi wabo Raphaël Glucksmann bamushinja ko agamije guteza umwuka mubi mu matora y’ abadepite ateganyijwe mu Muryango w’ Ibihugu by’ i Burayi.

N’ubwo bimeze bityo, Umunyamakuru, umukinnyi wa filime ndetse n’ umunyapolitiki, Glucksmann aherutse gutangaza ko ibyaha Ubufaransa bwakoze mu Rwanda ari igisebo mu kinyejana.

Yaboneyeho n’ umwanya wo kwiyama abavuga ko ashaka guhungabanya amatora ubwo yabasubizaga ko nta hantu na hamwe jenoside ihuriye n’ amatora.

Nk’ umwe mu baharanira guhagararira Ubufaransa muri EU, mu kiganiro yagiranye na Le Monde, yagize ati” N’ubwo abo banyapolitiki babihakana ntibikuraho isoni kuri Repubulika ya V yayobowe na François Mitterrand wabishyigikiye ndetse akanabikora kuko ntibikuraho icyaha n’ ingaruka”.

Uhagarariye abasosiyaliste arasabwa guhindura ingendo

Kuwa 13 Kamena 2019, Ishyirahamwe Survie ryandikiye ibaruwa Perezida w’ ishyaka PS, Olivier Faure rimusaba guha agaciro ibyaha Ubufaransa bwakoreye U Rwanda mu gihe bwayoborwaga na Mitterand, nk’ Ishyirahamwe Survie, ryanenze uburyo abaminisitiri 23 bakoranaga na Perezida Mitterand banze ko hatangwa ubuhamya ku ruhare rwa Leta y’ Ubufaransa muri Jenoside yakorewe Abatusi.

Perezida Mitterand n’ abaminisitiri be bashinjwa iki?

Ku ruhande rumwe,Perezida Mitterrand ashinjwa kuba hagati ya 1990 na 1994, yarafashije ingabo za FAR Ndetse anatanga abarimu n’ intwaro zakoreshejwe muri jenoside yakorewe Abatutsi.

Ku rundi ruhande, Mitterand kimwe n’ abandi baperezida n’ umuryango mpuzamahanga bashinjwa kurebera mu gihe ubwicanyi ndengakamera bwarimo gukorera Abatutsi, ariko imfubyi za Politiki yasize zikaba zidashaka kwemera uruhare rwe.

Izindi wakunda

Bwiza.com
error: Alert: Ntabwo byemewe!!