bwiza.com
Ahabanza » Abakunzi bongeye guhura nyuma yo gutandukana mu ntambara y’Isi ya 2
Amakuru Utuntu n'utundi

Abakunzi bongeye guhura nyuma yo gutandukana mu ntambara y’Isi ya 2

Hari hashize imyaka 75 KT Robbins wahoze ari umusirikare w’Amerika atandukanye n’umukunzi we Jeannine Ganaye mu ntambara y’Isi ya kabiri. Ibyishimo byarabasaze nyuma yo kongera guhuzwa babifashijwemo n’itangazamakuru.

Mu 1944, ni bwo Robbins ubu ufite imyaka 97 yatandukanye na Jeannine ufite 92 y’amavuko. Uyu musaza muri icyo gihe wari ukiri umusore yahawe gahunda yo kujya ku itabaro mu majyaruguru y’uburasirazuba bw’Ubufaransa, asiga Jeannine ariko amusezeranya ko azagaruka kumufata.

Robbins wari warabitse agafoto yifotoje n’uyu mukunzi we mu buto bwabo yigeze kuganira n’umunyamakuru w’Umufaransa, amubaza amateka y’intambara ya II y’isi, bakomoza no kuri Jeannine batandukanye ntibongere kubonana. Uyu munyamakuru yifashishije aka gafoto, yagerageje gushaka Jeannine uba mu Bufaransa aramubona.

Yatunguwe no kumva inkuru ivuga ko ubu yakongera kubona umukunzi yabuze mu myaka 75 ishize. Yasanze Jeannine mu gace ka Griey atuyemo.

Amubona, yahise amwereka agafoto bifotoje yakomeje kubika. Yaramubwiye ati : ” Sinigeze ndeka kugukunda. Wari ukiri mu mutima wange.”

Jeannine yavuze ko yahoraga atekereza Robbins, akumva ko wenda umunsi umwe azagaruka.

Jeannine yibuka ubwo Robbins yuriraga ikamyo ya gisirikare, na we asigara arira. Na we yaramusubije ati : ” Wenda nzagaruka ngutware” ariko ntibyabaye uko yabyifuzaga.

Robbins yashakanye na Jeannine afite imyaka 24, Jeannine we yari afite imyaka 18.

Nyuma yo gutandukana, Robbins yashatse undi mugore ariko yaratabarutse. Jeannine na we yashatse undi mugabo watabarutse amusigiye abana batanu.

 

Izindi wakunda

Bwiza.com