bwiza.com
Ahabanza » Abari muri Operation Turquoise batunguwe no kumva umunyapolitiki uri mu kazi ashyigikira akazi bakoze
Amakuru Politiki

Abari muri Operation Turquoise batunguwe no kumva umunyapolitiki uri mu kazi ashyigikira akazi bakoze

Mu gihe Perezida w’u Bufaransa, Emmanuel Macron yashyizeho Umunsi wo Kwibuka jenoside yakorewe Abatutsi mu Rwanda mu 1994 akanemera gufungurira abahanga mu mateka inyandiko z’ibanga ku byakozwe n’u Bufaransa mu Rwanda, Igisirikare cy’iki gihugu cyo kishimiye ibyo cyakoze muri Operation Turquoise kuri uyu wa gatanu ushize ndetse gitungurwa no kumva hari umunyapolitiki uri mu kazi ubyishimira ku nshuro ya mbere.

Igikorwa cy’ingabo z’u Bufaransa mu Rwanda kiswe Operation Turquoise cyatangijwe kuwa 24 kamena 1994 cyakurikiwe no kunengwa kw’ingabo z’u Bufaransa zari zikirimo zishinjwa kwitwaza iki gikorwa mu gukingira ikibaba abari bamaze gukora jenoside ngo babone uko bahunga igihugu.

Kuri uyu wa 14 Kamena, hakaba harabaye mu ibanga igikorwa cyo kwibuka iyi Operation nyuma y’imyaka 25 ibaye.

Minisitiri w’ingabo akaba yarafashe ijambo ashimira abasirikare bari muri iki gikorwa mu muhango wabaye nta tangazamakuru ryatumiwe nk’uko iyi nkuru dukesha Jeune Afrique ivuga.

Ni nyuma y’uko Perezida Emmanuel Macron aherutse kugena itariki ya 07 Mata nk’umunsi uzajya wibukirwaho Jenoside yakorewe Abatutsi mu Rwanda mu 1994, u Bufaransa bwakunze gushinjwa kugiramo uruhare.

Mu ijambo rye minisitiri ushinzwe ingabo, Florence Parly akaba yaragize ati:”Tariki ya 07 Mata iheruka Perezida wa Repubulika yatangaje ko iyo tariki izahinduka mu Bufaransa, umunsi wo kwibuka Jenoside yakorewe Abatutsi…hari n’ubushake bwo guha ijambo abagabo n’abagore bari kuri terrain, abahuye n’ibintu utatekereza, no gushimira abahoze muri Turquoise baza gufata ijambo uyu munsi.”

Iyi nkuru ikomeza ivuga ko ubu butumwa bwakiriwe neza cyane na General Erik de Stabenrath, mu 1994, wari komanda wa Operation Turquoise muri Gikongoro.

Ati: “Uyu munsi nishimye mu gitondo kubera ko ari ubwa mbere numvise umunyapolitiki uri mu kazi arengera Operation Turquoise.”

Kuri we na bagenzi be bari muri uyu munsi, ngo bagaragazaga ubushake bwo kugira ibyo bavuga ku bibazo binenga Operation Turquoise birimo n’ibya bagenzi babo b’abasirikare nka Gen. Jean Varret, wari ukuriye ubutwererane bwa gisirikare mu Rwanda kuva mu 1990 kugeza mu 1993 wemeza ko abasirikare bamwe bari mu myanya y’ingenzi barenze umurongo.

Undi ni Capt. Guillaume Ancel na n’ubu wemeza ko igikorwa cy’ubutabazi ingabo z’u Buafaransa zitwaje mu Rwanda hari ibindi byari bikihishe inyuma birimo no kubuza izari ingabo za FPR gufata igihugu.

Guhangana n’ingabo za FPR

Gen. Jacques Lanxande we yemera ko bahanganye n’ingabo za FPR rimwe, mu gihe mugenzi we, Col Loïc Mizon yemeza ko bahanganye na FPR inshuro nk’eshatu cyangwa enye.

 

Izindi wakunda

Bwiza.com
error: Alert: Ntabwo byemewe!!