bwiza.com
Ahabanza » Kutagira indirimbo z’amashusho ni imbogamizi ikomeye ku bahanzi bakizamuka-Stanza
Amakuru mashya Imyidagaduro Music

Kutagira indirimbo z’amashusho ni imbogamizi ikomeye ku bahanzi bakizamuka-Stanza

https://www.youtube.com/watch?v=vXojBLKEB2QZimwe mu mbogamizi abahanzi bakizamuka bakunda guhura nazo, zigatuma batagera ku rwego bifuza
harimo kutagira indirimbo z’amashusho biterwa ahanini n’amikoro make.

Stanza Muvandimwe ni umuhanzi ukizamuka, uririmba mu njyana ya Afrojazz. Yaganiriye na Bwiza, atubwira
ku bijyanye n’umuziki we, agashya yazanye mu muziki, ingufu yazanye mu muziki n’imbogamizi ahura na zo cyane nko kutagira amashusho.

Amaze gukora indirimbo enye: Mama Africa, Hands in Hands na Summer Rain ziri mu rurimi rw’Icyongereza ndetse na ‘Irya Mukuru’ rukumbi iri mu rurimi rw’Ikinyarwanda. Ateganya gushyira hanze indi nshya yitwa ‘Despite’ avuga ko iri ku musozo.

Despite iri gutunganywa na Bob Pro, irimo ubutumwa busaba kubabarira abaduhemukira n’ubwo baba baratubabaje cyane, twumva bitugoye. Na yo izaba iri mu rurimi rw’Icyongereza.

Avuga ko kutagira indirimbo zifite amashusho bituma atazimenyekanisha nk’uko abyifuza ngo kubera ko abantu benshi bakunda amashusho kuruta kuzumva mu majwi gusa. Ati : ” Ku mateleviziyo na ho ntibyashoboka ko bakina indirimbo yawe iri mu majwi gusa kimwe n’izindi mbuga zikina amashusho.”
Ateganya kuzakora amashusho aramutse abonye ubushobozi cyangwa se umutera inkunga.

Ku bindi bibazo bijyanye n’umuziki we, twamubajije itandukaniro yazanye mu muziki, Stanza yadusubije ko bitamworohera kubona neza itandukaniro rye n’abandi bahanzi, ariko we agerageza kwibanda ku kunoza amajwi y’indirimbo ze, amagambo aziherekeje n’imitunganyirize yazo.

Yemera ko umuziki ari nka ‘business’ cyane ko mu kuyikora bisaba amafaranga yo gufata amajwi, kwishyura abayitunganya; ibyo yita nk’igishoro gitekereje inyungu.

Tuzi ko muri iyi isi ya kijyambere, business zizamuka byihuse ari izizanye udushya. Ese wowe muri iyi business ni akahe gashya wazanye?

Stanza: Umuziki nawujemo kugira ngo mpatane hano mu Rwanda ndetse no ku rwego mpuzamahanga, ni yo mpamvu nkunda gukoresha ururimi rw’icyongereza
n’Igiswahili nk’indimi zikoreshwa cyane muri Afurika no hanze yaho.

Nk’umuntu watumiwe na radiyo mpuzamahanga n’iz’imbere mu gihugu ku mpamvu y’umuziki, ni akahe kamaro k’itangazamakuru ku iterambere ry’umuziki, na we ubwawe?

Stanza: Yego natumiwe n’amaradio nka KT Radio, Radio Huye, Radio Musanze, BBC Swahili muri Amuka na BBC, Ijwi ry’Amerika muri gahunda y’Icyongereza yitwa ‘Music Time in Africa; ntumirwa na RTV na KC2. Itangazamakuru ni ijwi ry’abatarigira. Rifite ubushobozi bwo kugaragaza ibikorwa by’umuntu cyane nko mu muziki. Kuri nge, itangazamakuru ryatumye izina ryange ryandikwa mu bahanzi nyafurika. Ikindi kandi, rimfasha gusangiza ubutumwa bwange rubanda. Nta mikoranire hagati yacu n’itangazamakuru, umuhanzi ntiyagira aho yifuza.

Twamubajije imbogamizi ahura na zo mu muziki agira ati:

” Ngira ikibazo cyo kuba ndafite ureberera inyungu zanye mu muziki (manager) ku buryo yamfasha indirimbo zikajya zisohoka vuba ndetse akamfasha no gukora amashusho. Icyakoze ntabwo nabitindaho kuko ndi mu itangira. Nzi ko ndashobora kugera aho nifuza mu munsi umwe.” Stanza

Yavuze kubera ko acyiga, bimugora guhuza umuziki n’amasomo ariko agerageza kubikora byombi kuko bimufitiye akamaro.Gukora cyane ni yo ntwaro yifashisha kugira ngo abantu bamenye umuziki we kandi kumenyekana byamuhuza n’abandi bantu bashyigikira ibikorwa bye.

Ku musozo w’ikiganiro, Stanza ashimira abakomeje kumushigikira muri uru rugendo anabasaba gukomeza ndetse n’itangazamakuru ritandukanye.

Indirimbo aheruka gukora vuba yitwa ‘Irya Mukuru’ cyangwa ‘Elder’s Prophecy’.

Yahereye kuri ‘Mama Afurika’ mu Cyongereza.

Izindi wakunda

Bwiza.com
error: Alert: Ntabwo byemewe!!