bwiza.com
Ahabanza » CAN/ 2019: Muri 23 bazahagararira u Burundi nta n’ umwe ukina imbere mu gihugu
Imikino mu mahanga

CAN/ 2019: Muri 23 bazahagararira u Burundi nta n’ umwe ukina imbere mu gihugu

Ku rutonde rwa nyuma rw’ abakinnyi 23 bazahagararira Ikipe y’ igihugu y’ u Burund i(Intamba mu rugamba) mu mikino y’ igikombe cya Afurika kizabera muri Misiri, nta mukinnyi n’ umwe ukina imbere mu gihugu wagaragaye.

Ikipe y’ igihugu y’ u Burundi itanga icyizere nk’ uko yagiye ibigaragaza kugira ngo yivane  mu matsinda izitabira imikino ya CAN 2019 muri Misiri izaba igizwe n’ abakinnyi ba ruhago 23 harimo abazamu 3, abakina inyuma 6, abakina hagati 6 ndetse n’ abarutahizamu 8.

Muri aba bakinnyi bazakinira Intamba harimo batatu bahoze bakinira Rayon-Sports yo mu Rwanda nka Pierre Kwizera bakunze kwita Pierrot usigaye ukinira Al -Orouba yo muri Omana, Shassir Ndamihimana ukinira Al- Mujazzal yo muri Saudia Arabia, Shabani Hussein uzwi nka Shabalala ukinira Ethiopian Coffee yo muri Ethiopia.

Harimo kandi n’ abakinnyi babiri  bakina mu myanya y’ inyuma muri shampiyoni y’ U Rwanda, abo  ni David Nshimirimana ukinira Mukura VS y’ i Butare na Omar Ngando ukinira AS Kigali.

Kuri uru rutonde hagaragayeho abakinnyi twakwita  inkingi za mwamba eshatu arizo Saido Berahino ukinira Stoke City muri Shampiyona y’ Ubwongereza, Gael Bigirimana ukinira Hibernians FC muri Ecosse ndetse na Fiston Abdul Razaka ukinira JS Kabylie yo muri Algeria.

Intamba mu rugamba yiteguye kujya muri Misiri

Ikipe y’ igihugu y’ u Burundi yapfushije  rutahizamu Papy Faty nk’ umwe mu bakinnyi bayifashije kugera ku mikino ya nyuma ariko kuri ubu iri mu myiteguro muri Qatar aho ifite umukino na Tunisia kuwa 17 Kamena 2019.

Imikino ya nyuma y’ igikombe cya Afurika 2019, kizabera ku bibuga bitandatu ndetse no mu mijyi ine itandukanye izitabirwa n’ ibihugu 24 ikazatangira kwa Gatanu tariki 21 Kamena kugeza kuwa Gatanu tariki 19 Nyakanga 2019.

Izindi wakunda

Bwiza.com