bwiza.com
Amakuru mashya mu mahanga Umutekano

Nigeria: Abantu 30 baguye mu gitero cy’ubwiyahuzi

Muri iki gitondo, mu mugi wa Konduga uri mu majyaruguru y’uburasirazuba bwa Nigeria hatewe ibisasu bitatu, ubu umubare w’abaguye muri iki gitero ugeze kuri 30, abandi basaga 40 bakomeretse.

Iki gitero cyagabwe n’abiyahuzi batatu ku nzu abaturage bareberagamo umupira w’amaguru kuri televiziyo.

Birakekwa ko Boko Haram yibasiye iki gihugu ari yo yaba yagabye iki gitero. Uyu mutwe watangiye kwibasira iki gihugu kuva mu 2009, wageze no mu bihugu bihana imbibi  nka Niger, Chad na Cameroon. Ni umutwe ugaba ibitero ku nkambi z’abasirikare, ugashimuta abantu ndetse bivugwa ko umaze kwica abasaga 27000, abandi miliyoni 2 bamaze kuva mu byabo.

Kimwe n’indi mitwe yegamiye ku idini rya Kiislamu, Boko Haram na yo ikunze kwigamba ibitero bitandukanye ariko ubu nta kintu iratangaza.

Imibare y’abaguye muri iki gitero yari iheruka gutangazwa yari abantu 17, abakomeretse bari 17. Aya makuru aturuka mu kigo cya Nigeria cy’ubutabazi.

Muri Gashyantare 2018, na none muri Konduga hagabwe igitero n’abiyahuzi ba Boko Haram mu isoko, 18 bahasiga ubuzima. Muri Nyakanga, undi mwiyahuzi yateye igisasu mu musigiti uri muri uyu mugi, gitwara 8.

Al Jazeera

Izindi wakunda

Bwiza.com