bwiza.com
Ahabanza » Yanteye inda arahiyakana none aho mbyariye umuhungu arimo kumpa Miliyoni 3 ngo amujyane – Nkore iki?
Amakuru Urukundo

Yanteye inda arahiyakana none aho mbyariye umuhungu arimo kumpa Miliyoni 3 ngo amujyane – Nkore iki?

Nitwa Benitha iwacu ni mu Karere ka Nyarugenge, nkaba ndi umukobwa w’imyaka 26 y’amavuko, nize amashuri 6 yisumbuye nkaba ndi umucuruzi ukora ubucuruzi bucuriritse.

Mu mwaka wa 2017, nibwo umusore wambeshyaga urukundo yanteye inda, rwose pe njyewe numvaga mukunze cyane ku buryo budasanzwe, ku buryo numvaga ntacyo mfite cyo kumwima, nguko uko namwambariye ubusa gusa aza kumbera umuntu w’umuhemu.

Namubwiye ko ntwite antera utwatsi ngo abakobwa b’i Kigali ntituryamana n’umusore umwe, mbega yambwiye amagambo ku buryo numvise ankomerekeje cyane ku mutima numva ndamwanze.

Nyuma yo kunyereka ko atankeneye, nahise mureka kuko ubushobozi buke mfite nari nizeye ko ntabura uburyo nita ku mwana wanjye kandi koko niko bimeze, ubu agiye kuzuza imyaka ibiri ari umwana ushimishije.

Gusa sinzi aho yakuye amakuru ko nabyaye umuhungu, nza kumenya ko by’umwihariko ngo iwabo umuryango wabo babyara abakobwa gusa gusa, ku buryo ngo sekuru yifuje umwuzukuru w’umuhungu yamubuze.

Aho bimenyekaniye ko umusore wabo yabyaye umuhungu, ngo bashyizeho amafaranga ashoboka ngo amuhabwe, ngo banamenye ko yamwanze bamumerera nabi, ngo ku buryo banamubwira kugaragaza aho ndi ngo baze kumwisabira.

Ku ruhande rwanjye naramumwimye, eh eh nanamubwiye ko nangera imbere nzahita mpamagara Polisi. Ku rundi ruhande nibaza impamvu barimo kwifuza umwana wanjye, cyane ngo ni uko ari umuhungu kugera n’aho bangereza za miliyoni, yambwiye ko azanzanira eshatu, mubwira ko umwana wanjye atari inka bagura.

Gusa naketse ko baba bashaka kumujyana mu migenzo itari myiza, niba koko bari barabuze umuhungu, kuba uwe byo ni uwe 100% kuko nta wundi musore twaryamanye muri iyo myaka. Mungire inama, nkore iki?

Izindi wakunda

6 Ibitekerezo

Ange 17/06/2019 5:10 pm at 5:10 pm

jya kumushinganisha ejo batazanamukwiba million eshatu nubusa ntuzazemere irere umwana .

Subiza
pascal 17/06/2019 5:22 pm at 5:22 pm

Emera amafranga baguhaye hanyuma uzakore kuburyo uzajya usura umwana;akumenyere azakugarukira bitewe nuko uzamugaragariza urukundo kandi uziyegereze umuryango we wirengagize ibyabaye kuko kutababarira nawe bikugiraho ingaruka,hanyuma nibwo uzamenya neza icyo bagamije atarukugendera ku mabwire;kandi ayo mafranga azagufasha kwiyubaka;

Subiza
dada 18/06/2019 5:21 am at 5:21 am

bahe umwana kuko uko byamera kose umwana ntazabura kumenya ko uli mama we
bazaguhe ayo mahera nawe wisure umywe ka bierre nkumubyeyi wiyomora ibikomere

Subiza
kiki 18/06/2019 8:20 am at 8:20 am

Babwire baze bagusabe nkuko abandi bakobwa basabwa banatange inkwano mu muryango wawe kuko bazaba bagushubije icyubahiro cyawe ,ubundi ubahe umwana nabo baguhe ubwo bufasha bifuza kuguha , kuko n’ubundi umwana namara gukura akamenya se ntazabura kujyayo.ikindi uzajya usura umwana umwereke urukundo rw’ababyeyi .

Subiza
Ruzirabwoba Rwamuza 18/06/2019 9:23 am at 9:23 am

Umwana ni Malayika kandi imico myiza y’umwana urukundo aruhabwa na nyina. Bamumenye ko ari uwabo ariko bigushukisha amafaranga nawe wayiha washakaga urukundo ntiwarubonye. Rinda umwana wawe hato batazamutera ibikomere

Subiza
Umubyeyi 18/06/2019 9:06 pm at 9:06 pm

Koko ufate umwana wawe umutange ngo nuko baguhaye 3million???? Ibyo kuvuga ngo ntazayoberwa se byo ni ukuri ,ntanicyo bitwaye azamumenye pe!!!! ariko nibura warabanye nawe mu buto bwe!!! Ariko mubyeyi uziko ubushakashatsi bwagaragaje ko iyo utabanye n’umwana wawe mu myaka 10 ya mbere y’amavuko ngo atigera akwiyumvamo nk’umubyeyi we na gato!!! Ngo uhora uri Rubanda mu maso ye!! Rero irerere umwana nakura azajye aho ashaka ariko nibura wabanye nawe!! Njyewe ukugiriye iyi nama ndi umubyeyi w’abana 3 umukuru arangije primary ariko nkubwire ubu niho mbona urukundo rwe cyane!! Uko namwitagaho ari muto ubu byarahindutse niwe unyitaho ambwira ibyo nambara …. ibisuko bimbera, ibitambera mbese njya gusohoka mu nzu yanyitegerehe koko!! Kandi ni umwana w’umuhungu!! Wishaka kwibuza umunezero w’ahazaza hawe rero kandi no mu bukobwa warababaye

Subiza

Tanga Igitekerezo

Bwiza.com
error: Alert: Ntabwo byemewe!!