bwiza.com
Ahabanza » Pasiteri yafashwe asambanya umukobwa na nyina akubitwa nk’iz’akabwana
Amakuru Utuntu n'utundi

Pasiteri yafashwe asambanya umukobwa na nyina akubitwa nk’iz’akabwana

Pasiteri Osei Kwaku wo mu gihugu cya Ghana yafashwe arimo gusambanyiriza rimwe umukobwa na nyina yabeshyaga ko arimo kubakiza urupfu, yababwiraga ko rubarekereje mu minsi mike. Ubwo yafatwaga yakubiswe azengurutswa imihanda mu ijoro yambaye agakabutura k’imbere.

Ikinyamakuru Africannews.com gitangaza ko Pasiteri Osei asanzwe azwiho gukora ibitangaza abantu bagahurura, bityo kuri iyi nshuro ngo umukobwa w’imyaka 21 na nyina bakaba bari bamugannye ngo abafashe, nyuma y’ibyago bimaze iminsi mu muryango.

Kuva uyu mwaka watangira, ngo hari abantu bane bamaze gupfa mu muryango wabo, bityo ngo uyu mukobwa na nyina baza guhanurirwa ko aribo bazakurikira bitewe n’umudayimoni wibasiye umuryango.

Kubera ubwoba ngo bari bafite, bagannye uyu mupasiteri, arabafatirana mu biro bye, bose abasambanyiriza hamwe, ava kuri umwe, akajya ku wundi, abizeza ko arimo kubahumanura, nk’uko iki kinyamakuru kibitangaza.

Umwe mu badiyakoni witwa Bonsam, ngo yumvise ibyo pasiteri yakoraga akumva bimuteye ubwoba agahuruza, yagize ati “Baje butangiye kwira, bamaze iminota nka 45 basenga, nyuma atuma umukobwa hanze ntabwo nzi icyo yasubiranye mu biro, yabakoreye ibishitani bagataka we yishimisha, umutima wankomanze mpita mpamagara abandi basanga arimo kubikora, yakubiswe polisi zimutabara zimujyana kumufunga”.

N’ubwo hatatangajwe itorero uyu mupasiteri ahagarariye, ngo asanzwe afite abana barindwi n’umugore umwe ariko ngo akaba yari asanzwe avugwaho gusambanya abagore bamwe bo mu itorero ayobora. Inzego z’umutekano ngo zirinze kugira icyo zivuga kuri aya mahano.

Izindi wakunda

Bwiza.com