bwiza.com
Ahabanza » Somalia: Ofisiye mu ngabo za Uganda yarashe mugenzi we aramwica
Amakuru Politiki

Somalia: Ofisiye mu ngabo za Uganda yarashe mugenzi we aramwica

Umusirikare wa Uganda uri mu butumwa bwa AMISOM ufite ipeti rya Captain kuri uyu wa Mbere, itariki 17 Kamena, yarashe mugenzi we aramwica mbere yo kwitunga imbunda nawe agakurura imbarutso.

Ibi byatangajwe na minisiteri y’ingabo ya Uganda, aho umuvugizi wayo, Brig. Richard Karemire avuga ko iperereza ririmo gukorwa.

Yagize ati: “Ni ukuri. Iperereza kuri iki kibazo ryatangiye kandi rirakomeje,”

Nk’uko Brig. Karemire yakomeje avuga, ngo uwo musirikare yarashe mugenzi we aramwica, arangije nawe yitunga imbunda akurura imbarutso.

Gusa, amazina y’aba basirikare bombi ntiyatangajwe nk’uko iyi nkuru dukesha urubuga Plmdaily ikomeza ivuga.

Aba basirikare bombi ba UPDF bari mu butumwa bo kugarura amahoro muri Somalia kandi intandaro yo kurasa ntiramenyekana.

Ibi ngo bije nyuma y’ukwezi kumwe abandi basirikare benshi birashe muri Somalia kuwa 13 Gicurasi 2019.

 

Izindi wakunda

Bwiza.com