bwiza.com
Ahabanza » U Bubiligi: Abanyarwanda bagaragarije Perezida Kagame urukumbuzi bari bamufitiye
Amakuru Politiki

U Bubiligi: Abanyarwanda bagaragarije Perezida Kagame urukumbuzi bari bamufitiye

Perezida wa Repubulika Paul Kagame uri mu ruzinduko mu gihugu cy’u Bubiligi, yakiriwe n’imbaga y’Abanyarwanda babayo n’abandi banyamahanga bamugaragariza urukumbuzi n’urukundo bamufitiye.

Perezida Kagame yakoreye uruzinduko muri iki gihugu, aho yitabiriye inama y’iminsi ibiri, yateguwe n’Umuryango w’Ubumwe bw’u Burayi yiga ku iterambere “Journée Européenne du Développement’.

Iyi nama y’iminsi ibiri, ku wa 18-19 Kamena 2019, biteganijwe ko Perezida Kagame ayitangiramo ikiganiro. Ni ikiganiro kibanda ku nzitizi ziterwa no kutimakaza ihame ry’uburinganire.

Abandi bakuru b’ibihugu bya Afurika bateganijwe kwitabira iyi nama, ni Macky Sall wa Senégal , Jorge Carlos Fonseca wa Cap Vert n’abandi batandukanye.

Nk’uko bitangazwa na Ambasade y’u Rwanda mu Bubiligi ibicishije ku rukuta rwayo rwa Twitter, ubwo Perezida Kagame yageraga muri iki gihugu yakiriwe na Komiseri ushinzwe umubano mpuzamahanga n’iterambere mu Muryango w’Ubumwe bw’Uburayi, Neven Mimica. Iyi Ambasade itangaza ko Perezida Kagame yavuze ijambo mu muhango wo gufungura iyi nama.

Perezida Kagame na Neven Mimica

Mu nzira yari iteganijwe kunyuramo umukuru w’igihugu waherukaga muri iki gihugu umwaka ushize, hari imbaga y’Abanyarwanda n’abandi banyamahanga, bafite ibyapa byanditseho amagambo atandukanye ya ‘Turagukunda Kagame, Miliyoni 11 z’Abanyarwanda zikunze Kagame, Urakoze Bwana Perezida, Ubuyobozi bwa Kagame burangwa n’Uburinganire, Iterambere ry’ubukungu ndetse n’umutekano,…”.

Aba banyarwanda bahaga ikaze Perezida Kagame, ku byapa bari bafite bagaragaza imiyoborere y’u Rwanda rw’ubu ruzira ruswa ‘Zero Corruption’, rushyize imbere ubumwe bw’Abanyarwanda, by’umwihariko nk’abanyarwanda bari mu mahanga bakagira bati “Dutewe ishema no kwitwa Abanyarwanda”.

 

Izindi wakunda

Bwiza.com
error: Alert: Ntabwo byemewe!!