bwiza.com
Ahabanza » Ubukoloni n’ iyobokamana intwaro zari zigamije kuzimya u Rwanda
Amateka Amateka n'umuco

Ubukoloni n’ iyobokamana intwaro zari zigamije kuzimya u Rwanda

Nyuma y’ inama yo kwigabanya umugabane wa Afurika yabereye i Berlin mu Budage muri 1884, Umwami w’ Ababiligi , Léopold II yahise yiha Congo Ubudage nabwo bwigarurira Ruanda-Urundi.

Kuva Gustav Adolf von Götzen agera mu Rwanda ku ngoma ya Kigeri IV Rwabugiri akakirwa i Kageyo muri Kingogo yatangajwe no kubona uburyo igihugu cyari kiyobowe (structure étatique) kandi kirinzwe cyane kitanapfa kuvogerwa.

Umukoloni yarushijeho kwiyegereza umwami ngo amufasha gutegeka no kuvugurura imiyoborere aho niho yatangiye kujya apima amazuru (anthropométrie) y’ abanyarwanda atangire kubashyira mu moko.

Batangira kwitwaza imiterere y’ umubiri w’ abanyarwanda kugira ngo babacemo amoko bityo babone uburyo babayobora nta kibakomye kandi babaganisha mu cyerekezo cyabo.

Mu rwego rwo kwerekana ko bashaka kunganira umwami mu gukomeza ingoma ye no kurushaho gukorana nawe, abakoloni bahise birukana abatware b’ ubutaka bari Abahutu bavuga ko ntacyo bashoboye ibyo byatangiye kuzana umwuka mubi mu gihugu.

Kuva umwami Kigeli IV Rwabugiri wabeyeho hagati ya 1853 na 1895 ahura n’ abakoloni , U Rwanda rwarinjiriwe rwahise ruhura n’ ibibazo bikomeye byatumye ubumwe bwarwo butokorwa.

Muri iyo myaka ya za 1900, mu Rwanda, ubukoloni bwagendenaga n’ iyogezabutumwa kuko Kiliziya Gatolika yari imaze kuhashinga imizi.

Umwami wari uganje mu Rwanda amaze kwemerera abazungu gusenga uko babyifuza abana b’ abatware nibo ba mbere bayobotse baranabatizwa.

Muri 1934, Ubutegetsi bw’ ababiligi mu Rwanda bwateguye ibarura rya rishinzwe gushyira abantu mu moko ubwo bahise batanga n’ indangamuntu kuva ubwo abanyarwanda batangira kubana mu moko (Hutu, Tutsi na Twa).
Ubwo Kiliziya yahise ishinga amashuri yigisha abanyarwanda ba mbere hakurikijwe uburyo abakoloni bigaga mu bihugu byabo.

Umwami ,Yuhi V Musinga (1896-1944) , abera bamwise umwami wanze kuva ku izima (résistant) bitewe n’ uko yikangaga ko nta somo ryiza umwera yari yazanye mu Rwanda ahubwo yari agamije gusenya ubumwe nk’ ibanga ndetse n’ igihango cyari kigize igihugu.

Yanze kubatizwa , abakolini babibonye basanga batakorana nawe bamucira ishyanga bashyigikira iyimikwa ry’ umwana we Mutara III Rudahigwa (1931-1959) abura uko abigenze arayoboke ariko nta cyari gisigaye kuko intego yagenzega umwera yari yayigezeho kugeza Kigeri V Nadhindurwa yategekaga by’ igihe gito zaguhunga ni uko ubwami bwaciwe mu Rwanda.

Uko igihe cyagiye gitambuka ingoma nyabami yagendega icika intege, umwami Yuhi V Musinga yanze kubatizwa ni uko Ababiligi baramuhirika ndetse baranamuca asimbuzwa umwana we Mutara III Rudahigwa.

Abo bakoloni bakoranye na Mutara III Rudahigwa kuko bavugaga ko agerageza kumvikana ariko ntibyababuza kumutega imitego igamije gucamo ibice abanyarwanda.

Intego nyamukuru y’ abazungu yo guca ubwami yari igezweho ariko bibagirwa ko Repubulika ishobora kuzabatenguha,  gusa  ntibyaje kubahira  kuko yahise ibahinduka ibambura ubushobozi bari bafite mu gihe cy’ ubwigenge.

Izindi wakunda

Bwiza.com