bwiza.com
Imyidagaduro

DJ Lenzo ntiyaripfanye ku bivugwa ko ari mu rukundo na Anitha Pendo

Umwe mu basore bavanga imiziki (DJ), Dj Lenzo yavuze ku makuru yacicikanye avuga ko yaba ari mu rukundo na Anitha Pendo, umushyushyarugamba akaba n’umunyamakuru.

Mu kiganiro na Isango Star TV, Dj Lenzo kuri uyu wa 18 Kamena uyu mwaka yatangaje ko iby’aya makuru ntacyo abiziho ko ahubwo na we yabibonye ku mbuga nkoranyambaga.

Ati “ Ibyo bintu nanjye nabibonye bicicikana ku mbuga nkoranyambaga ariko si byo. None se kuki ari njye bavuze ko nkundana na Anitha Pendo kandi akenshi tuba turi kumwe na Phil Peter.”

Lenzo yavuze ko mu by’ukuri akunda kuba ari kumwe na Anitha Pendo ariko ko ari ku mpamvu z’akazi. Yavuze ko bakora ari batatu (we, anita Pendo na Phil Peter) bityo ko hari ababigira urwitwazo ko hari undi mubano udasanzwe urimo gusa akibaza impamvu ari we uvugwaho aya makuru.

DJ Lenzo ni umwe mu basore bavanga imiziki bamaze kwerekana ko bashoboye hano mu Rwanda. Mu minsi mike ishize, yakoze indirimbo y’umuhanzi Syntex yitwa Akuka.

 

Izindi wakunda

Bwiza.com