bwiza.com
Ahabanza » Umunyapolitiki Faustin Twagiramungu yifatanyije na Paul Rusesabagina mu ihuriro MRCD-Ubumwe
Amakuru Politiki

Umunyapolitiki Faustin Twagiramungu yifatanyije na Paul Rusesabagina mu ihuriro MRCD-Ubumwe

Ishyaka RDI-Rwanda Rwiza ry’umunyapolitiki Faustin Twagiramungu kuri ubu ryinjiye mu ihuriro MRCD-Ubumwe riyobowe na Paul Rusesabagina, aho ubu iri huriro ryahise rigira amashyaka ane atavuga rumwe n’ubutegetsi bw’u Rwanda akorera hanze arigize.

Impuzamashyaka MRCD-Ubumwe yari igizwe n’amashyaka atatu; CNRD-Ubwiyunge (igice kitandukanyije na FDLR), PDR-Ihumure na RRM.

Itangazo rigenewe abanyamakuru ryashyizwe ahagaragara kuri uyu wa 18 Kamena, Bwiza.com yabashije kubonaho, riravuga ko; “kuri ubu MRCD-Ubumwe igizwe n’amashyaka ane, yongeye gushimangira indangagaciro zikomeye irangaje imbere, ari zo: Ubumwe bw’Abanyarwanda, Ukuli, Ubutabera, Demokarasi, Igihugu kigendera ku mategeko n’uburenganzira bw’ikiremwa-muntu”

Iri tangazo ryashyizweho umukono na Paul Rusesabagina nka Perezida wa MRCD-Ubumwe afatanyije na Faustin Twagiramungu nka Perezida wa RDI-Rwanda Rwiza, ryanagarutse ku itabwa muri yombi rya Callixte Nsabimana wamenyekanye nka Sankara, wari Visi Perezida wa kabiri wa MRCD-Ubumwe, rivuga ko itabwa muri yombi rye riri mu rwego rwo gutera ubwoba abatavuga rumwe n’ubutegetsi.

Faustin Twagiramungu uherutse gutangaza igihuha kuri twitter avuga ko imirwano imeze nabi muri Nyungwe mbere yo guhabwa urw’amenyo n’Abanyarwanda batandukanye, yabaye Minisitiri w’Intebe w’u Rwanda nyuma ya Jenoside yakorewe Abatutsi kugeza mu 1995.

Yahise ajya kuba mu Bubiligi agaruka mu 2003 aje kwiyamamaza mu matora ya Perezida nk’umukandida wigenga, atsindwa na Paul Kagame wari watanzwe n’Umuryango FPR Inkotanyi.

Ni mu gihe mugenzi we, Paul Rusesabagina, wakoraga muri Hotel Mille Collines mu gihe cya jenoside yakorewe Abatutsi, atigeze yumvikana cyane mu bikorwa bya politiki, akaba yaramenyekanye cyane nyuma ya film Hotel Rwanda yakinwe imugarukaho ivuga ko yatabaye impunzi (Abahutu n’Abatutsi) bari bahungiye muri iyi hotel.

Ni mu gihe nyamara hari andi makuru yemezwa n’abari kumwe nawe icyo gihe jenoside irimbanyije, nka Odette Nyiramirimo, wigeze kuba minisitiri, bemeza ko uyu mugabo atari umutabazi ahubwo yari umucuruzi kuko ngo abo yakiraga icyo gihe bamuhungiyeho yabakaga amafaranga abatayafite bagasinya bemera umwenda.

Izindi wakunda

2 Ibitekerezo

Frank G 19/06/2019 11:14 am at 11:14 am

Ibibisambo byombi bigambanira igihugu ntamahoro bizagira mwararindagiye mwankorabusa mwe.urwanda turi mwiterambere ntamwanya wogupfa ubusa dufite

Subiza
T2 20/06/2019 7:49 am at 7:49 am

Rwandise are not kitchen utenses and equipment to be led by Rusesabagina.

Subiza

Tanga Igitekerezo

Bwiza.com
error: Alert: Ntabwo byemewe!!