bwiza.com
Amakuru Politiki

USA: Perezida Trump yatangije ku mugaragaro ibikorwa byo kwiyamamariza manda ya kabiri

Perezida Donald Trump wa Leta Zunze Ubumwe za Amerika, mu ijoro ryo kuri uyu wa Kabiri, itariki 18 Kamena yatangaje ku mugaragaro ko atangije ibikorwa byo kwiyamamariza manda ya kabiri mu kwiyamamaza kwabereye mu Mujyi wa Orlando, muri Leta ya Florida yakuyemo amajwi menshi mu 2016.

Perezida Trump yishingikirije ibyo yakoze nko mu bukungu, umutekano ku mipaka, ananenga abo mu ishyaka ry’Abademokarate ashinja kuba intagondwa zagerageje kumusenya n’umuryango we.

Ntangije ubukangurambaga bwanjye ku mugaragaro kubwa manda ya kabiri,” ibi ni ibyo Trump yatangarije imbere y’imbaga y’abamushyigikiye babarirwa mu 20,000 bari bateraniye mu Mujyi wa Orlando.

Yijeje kurinda Ubuhangange bwa Amerika (Keep America Great)nk’uko yabigenje yiyamamariza manda ya mbere agendera ku ntero yo Kongera kugira Amerika Igihangange (Make America Great Again), intero yamugejeje ku ntsinzi benshi batakekaga mu 2016.

Mu gutangiza ku mugaragaro ibikorwa bye byo kwiyamamaza nk’uko bitangazwa na VOA, Donald Trump yari aherekejwe n’umuryango we, nk’umufasha we, Melanie Trump na visi perezida Mike Pence nawe wari kumwe n’umufasha we.

 

 

Izindi wakunda

Bwiza.com
error: Alert: Ntabwo byemewe!!