bwiza.com
Ahabanza » Manzi Thierry yasabye Rayon Sports kongera kuyikinira
Amakuru mashya Imikino

Manzi Thierry yasabye Rayon Sports kongera kuyikinira

Manzi Thierry wayoboye abakinnyi ba Rayon Sports kugeza ubwo yatwaye igikombe cya shampiyona muri uyu mwaka, aherutse kwandikirwa ibaruwa imusezerera muri iyi kipe. Yasabye imbabazi ubuyobozi, asaba ko bwamureka akongera akayikinira mu mikino y’igikombe cy’amahoro.

Manzi Thierry yatangiye ashimira ubuyobozi ku bw’amahirwe bamwifurije mu yindi kipe azajyamo, ashimira imibanire ye n’ikipe byayigejeje ku nsinzi.

Yageze aho asaba imbabazi ku makosa yose yaba yarakoreye iyi kipe, ati: “kugira ngo nkomeze kwiyumva mu muryango wa Rayon Sports ubu no mu gihe kizaza.”

Yongeyeho kandi ati: ” Mu gihe kandi ntaratangira gushyira mu bikorwa amasezerano mu ikipe nshya, ndabamenyesha ko niteguye gukomezanya na bagenzi bange mu rugamba rwo kwegukana igikombe cy’amahoro 2019.”

Manzi Thierry na Niyonzima Olivier uzwi nka Sefu baganiriye n ‘ubuyobozi bwa Rayon Sports basaba kuyivamo, bakajya gushaka andi makipe. Ni byo bwagendeweho kugira ngo basubizwe n’ubwo abenshi babona ko basubijwe mu buryo bwo guhambirizwa.

Manzi Thierry yabwiye itangazamakuru ko ikibazo cy’amafaranga muri Rayon Sports nko gutanga imishahara ku bakinnyi bigoranye bitazacika kuko ngo ni yo sura y’iyi kipe. Yavuze ko kuva na kera ari ko Rayon yahoze.

Abakunzi ba Rayon Sports n’umupira w’amaguru muri rusange ntibavugaga rumwe kuri aya magambo ya Manzi Thierry. Bamwe bavugaga ko ibyo avuga ari ko kuri, abandi bakavuga ko atari byiza ko umuntu nka kapiteni yajya kwandagariza ikipe mu itangazamakuru. Hari n’abavuze ko igisebe kitagaragaye kidashobora komorwa, bityo ngo nta kosa uyu mukinnyi yakoze kuko yagaragaje ikibazo, kandi gikemuka iyo kigaragaye.

Manzi Thierry na Sefu baganiriye n’ubuyobozi bwa Rayon tariki ya 8 Kamena 2019, basaba kujya ahandi, tariki ya 17 Kamena na bwo bubandikira ibaruwa ibaha uburenganzira bwo kugenda .

Hari igihuha kivuga ko Sefu ashobora kwerekeza muri APR FC, gusa ikipe Manzi Thierry ashobora kuzajyamo ntiramenyekana.

Ngiyi ibaruwa Manzi Thierry yandikiye ubuyobozi ejo ku wa 19

 

 

 

Izindi wakunda

Bwiza.com