bwiza.com
Ahabanza » Paris:Nicolas Sarkozy , araregwa ruswa, uburiganya no kumviriza telefone ntaburenganzira
mu mahanga Ubutabera

Paris:Nicolas Sarkozy , araregwa ruswa, uburiganya no kumviriza telefone ntaburenganzira

Ubutabera bwo mu Bufaransa bwemeje  ko Nicolas Sarkozy wahoze ari Perezida w’ Ubufransa mu gihe cya vuba yongera kwitaba urukiko kubera ibyaha akurikiranweho birimo ibya ruswa  no kumviriza telefone ni ibindi biri muri dosiye y’ umuherwe Bettencourt  .

Iperereza ryakozwe n’ ubutabera ryagaraje ko Nicolas Sarkozy yajyaga avugana kuri telefone mu ibanga na Thierry Herzog ndetse na Gilbert Azibert kuri dosiye y’ umuherwe Bettencourt bagamije gupanga uburyo bariganya  imitungo ye ngo bayigarurire na Sarkozy.

Iri perereza kandi rivuga ko ryakusanyije ibimenyetso by’ ukuntu Thierry Herzog  yavuganaga na  Nicolas Sarkozy bakoresheje amazina atabaho ku buryo icyo gihe Sarkozy yiyitaga Paul Bismuth. Muri uru rubanza ruzabera i Paris mu minsi yavuba , Nicolas Sarkozy azitaba ari kumwe na Thierry Herzog wahoze ari umuwunganizi we mu by’ amategeko ndetse na Gilbert Azibert uhakana ko atigeze agaragara muri dosiye Bettencourt yaberaga i   Monaco.

Amakuru dukesha France 24 yemeza ko kuwa 18 Kamena 2019,  Urukiko rusesa imanza rwatesheje agaciro ubujurire bw’ uwahoze ari umwunganizi mu by’ amategeko wa Nicolas Sarkozy, Thierry Herzog  na  Gilbert Azibert wari umucamanza mukuru kuva Sarkoz ari Minisitiri w’ Imari. Nibwo bwa mbere muri Repubulika ya 5,  uwahoze ari Perezida agiye kuburanishwa azira ruswa yariye mu gihe yari mu mirimo ye.

Sarkozy yigeze gushinjwa kurya amayero ya Col. Kaddhafi

Muri 2018, uwahoze ari Perezida w’Ubufaransa, Nicolas Sarkozy yarafunzwe aza kurekuwe n’ubutabera nyuma yo guhatwa  ibibazo ku byaha ashinjwa birimo  kwakira miliyoni 20  z’ama Euros zivuye kwa Perezida Mouhammar Kadhafi wayoboraga Libya ngo yifashishe mu kwiyamamaza.

Icyo igihe Nicolas Sakorkozy yarastembye ko nta faranga rya Kadhafi yakiriye, gusa  yagize ati  “ Naketse ko {Kaddhafi…} ashaka kuyampa kuko yabonaga mfite amahirwe yo kuzayobora Ubufaransa” Yashinjwaga kwakira akayabo kavuye i Tripoli mbere gato y’uko atsindira kuyobora Ubufaransa mu 2007, ibintu bitemewe mu mategeko y’Ubufaransa.

Uyu mugabo w’imyaka 64 wagiye ushinjwa ruswa, gukoresha umutungo wa Leta mu buryo butemewe yari yarekuwe ngo hakomeze gukorwa iperereza ari hanze. Kenshi ariko bitari iteka, bishyira ku iburanishwa.

Umunyamabanga w’ ishyirahamwe ry’ abacamanza ryo mu Bufaransa, Jacky Coulon yatangaje ko Nicolas Sarkozy aramutse ahamwe n’ ibi byaha aregwa birimo ruswa, kumviriza telefone z’ abantu agamije kwigarurira imitungo yabo ashobora guzahanishwa igifungo cy’ imyaka 10 ndetse akanacibwa ihazabu y’ amayero arenga ibihumbi 100.

 

 

 

Izindi wakunda

Bwiza.com