bwiza.com
Ahabanza » Pasiteri yahanuye umusore ngo yeretswe ko tugomba kubana ndamwanga none sinorohewe mu muryango-Nkore iki?
Amakuru Urukundo

Pasiteri yahanuye umusore ngo yeretswe ko tugomba kubana ndamwanga none sinorohewe mu muryango-Nkore iki?

Mbanje kubiseguraho kuko ntabwo nifuje ko amazina yanjye atangazwa, iwacu ni mu Karere ka Kamonyi, muri Runda. Ndi umukobwa w’imyaka 27.

Ndi umukirisito ariko nabwo ndongera kubiseguraho kuko nirinze kuvuga itorero nsengeramo. Ubwo rero turi mu materaniro, Pasiteri aba arihanikiriye arampanuriye, aba avuze ko mfite ubukwe vuba.

Ubwo bukwe bwabaye nk’ubuntunguye cyane, kuko yavuze umusore ngo yeretswe ko tugomba kubana, mu by’ukuri rwose ni ibintu byantunguye pe.

Nk’umuntu wize kandi unatekereza, narashishoje, gusa mfite umubyeyi [mama] ukunda ubuhanuzi cyane. Ubu rero ntabwo tubanye neza kuko we yemera vuba ibyo abwiwe mu rusengero.

Ni umusore ntigeze nkundana na we, ikirenze kuri ibyo ni uko yagerageje no kunyereka ko twakundana ariko ngerageza kumugendera kure. Gusa nasesenguye kandi nkora n’iperereza nsanga ari agakino bankinnye, dore ko abasore bo muri uru rusengero benshi baba bifuza ko nababera umukunzi kubera ubutunzi bankurikiyeho.

Umupango namenye aho wakorewe, gusa ndimo kubibwira mama akabyanga, akambwira ko natangiye guhakana ibyavuzwe n’Imana, nkamubwira ko nubwo dusenga tugomba no gushishoza, ariko ntabyumva. Ubu mbese ntabwo tubanye neza kandi nubwo babintera mu rushinge uwo musore ntitwabana pe. Inama zanyu ndazikeneye.

Izindi wakunda

5 Ibitekerezo

Umubyeyi 20/06/2019 4:31 pm at 4:31 pm

Ku bwanjye ndumva nta nama y’ikirenga ukeneye kuko wamaze kumenya ukuri ko ubuhanuzi ari agakino bagukoreye, kandi umenya naho byapangiwe!! Ibya maman wawe byo.bireke siwe uzakubakira azaguhataaaa nageraho aruhe abiveho atuze!! Erega bavandimwe gukizwa ntabwo bitugira injiji ngo dukore buhumyi, kuba byonyine utamukunda birahagije ko atari uwawe niyo wari kuba utaramenya ibyo binyoma!! Courage

Subiza
kalisa 21/06/2019 12:00 pm at 12:00 pm

Hari apabasitoro b’abatekamutwe.

Subiza
kamana 26/06/2019 1:36 am at 1:36 am

Wa mukobwa we ukwiye wowe ubwawe kwiga kwishakira Imana udaciye kuri Pasteri
Yesu ubwo yaramaze gutanga k’umusaraba, Umwenda ukingirije ahera waratabutse m’Urusengero rwa Salomo bita Hekaru yubakiye Uwiteka.
Bisiguye ko aho bitaga Ahera cyane hagibwaga n’umutambyi gusa na we w’Umukiranutsi gusa. Kuko iyo yajtaga yo yanduye yagwaga yo.
Rero, Yesu amaze gutanga yakuye ho Ubutambyi bw’Isezerano rya Kera, atangiza Ubutambyi bushya bw’isezerano rishya ari bwo Itorero ry’Umwukawera.
Ibi mbikwibukirije ko ubwo wabatizwaga mu Mazi Menshi wihana ibyaha, wagombaga no gusaba Imana Ngo ikubatize mu Mwukawera. Bityo ugire n’Impano z’Umwukawera.
Umwana wese w’Imana agomba kuba yuzuye Umwukawera kuko nk cyo kimenyetso cy’uko kanaka ari umwana w’Imana by’ukuri
Bene Abo bana, nta cyo Yesu ajya ajya gukora atabamenyesheje mu buryo bumwe cg ubundi.
Ntabwo Imana yaguhisha uwo muzabana cyane cyane ko Kubana ari umushinga muremure ushyize kera kandi wuzuye imitego n’ibigushaaaa.
Kugira Umwukawera ni ingenzi k’Umukristo. Uramutse uwufite ntiwajya mu kujijinganya ku byo pasteri yahanuye niba ari byo cg atari byo. Kuko Umwukawera niba mubana yabikubwira.
Nta mukristo wuzuye Umwikawera rwose wajya mu byo kujijinganya kuri ibyo. Wenda kubw’umubili yambaye, nawe yashaka kwanga uwo ahanuriwe n’umuhanuzi. Ariko ari Imana yavuze ntiwakwepa n’aho wakora iki. Wowe senga wibarize Imana.

Subiza
Maboneza 21/06/2019 5:03 pm at 5:03 pm

Ntuzibeshye nagatoya kuko wababara ubuzima bwawe bwose ,maman wawe siwe ugufatira umwanzuro kuko ufite imyaka y,ubukure.thks

Subiza
ME 22/06/2019 11:47 am at 11:47 am

Njye sinkeneye ko mubishyira ku rubuga. Uyu mukobwa nabishobora mumuhe contac zanjye azamvugishe 0727530322

Subiza

Tanga Igitekerezo

Bwiza.com