bwiza.com
Ahabanza » U Burundi bwasubiye inyuma imyaka 30 muri demokrasi- Indorerezi
Featured mu mahanga Politiki

U Burundi bwasubiye inyuma imyaka 30 muri demokrasi- Indorerezi

Nyuma yaho Perezida Pierre Nkurunziza yivuguruje akavuga ko aziyamamariza 2020 kongera gutegeka , indorerezi mpuzamahanga zikurikirana ubuzima bwa politike na demokrasi  by’ u  Burundi zivuga ko iki gihugu cyasubiye inyuma imyaka 30.

Bemeza ko kimwe no mu myaka 30 irangiye , u Burundi bwagiraga ishyaka rimwe rukumbi kandi nta muntu warivuguruzaga.Ni muri urwo rwego basohoye igitabo cyiswe ” l’Ifri Requiem pour l’accord d’ Arusha  kigaragaza uburyo CNDD-FDD yatandukiriye ku byo yari yiyemeje i Arusha bishingiye no gusaranganya ubutegetsi n’ aba barundi.

Ibihe byaranze politiki y’ u Burundi kuva 1972 byaranzwe n’ imiyoborere mibi aho ubutegetsi bwagiye bwica abaturage bwari bushinzwe kurinda bahorwa ubwoko. Amateka ya politiki y’ iki gihugu yerekana ko muri 1972. Lt. Gen Miclhel Micombero yishe abanyapolitiki na bamwe mu basirikare bakuru b’ u Burundi abaziza ko ari Abahutu bituma muri za 1993 , abo Bahutu nabo bihorera bica Abatutsi biteza intambara ikomeye ishingiye ku bwoko.

Kugeza muri 2005, nyuma y’ aho impande zari zishamiranye mu Burundi bashyize umukono ku masezerano ya Arusha muri Tanzania igihugu gitangira guhumeka umwuka mwiza ushingiye kuri demokarasi ariko ntibyamara kabiri kuko kongera kwiyamamariza kuyobora manda ya gatatu kwa Perezida Nkurunziza byatumye ibintu bisubira bubisi.

Nyuma yaho Perezida Nkurunziza  yivuguruje akavuga ko aziyayamamariza kuyobora u Burundi,  imiryango iharanira uburenganzira bwa muntu yatangaje ko amaze kwerekana ko agamije kwikubira ubutegetsi, nk’ uko Le Figarro yabitangaje. Bavuze ko barajwe inshinga no binabangamiye uburyo amoko yagombaga gusaranganya ubutegetsi (quota ethnique). Kuba u Burundi bwarasubiye inyuma muri demokrasi byashimangiwe kuwa 20 Kamena 2019, muri raporo y’umuryango mpuzamahanga iharanira uburenganzira bwa muntu harimo na Human Rights Watch.

Perezida Pierre Nkurunziza w’ imyaka 54 y’ amavuko yageze ku butegetsi muri 2005 nyuma y’ amasezerano ya Arusha yatumye amahoro agaruka mu Burundi.

Muri ayo masezerano abarwanaga bari bumvikanye kuzasaranganya ubutegetsi hagati y’ Abahutu n’ Abatusti ariko si uko byaje kugenda, kuko politiki ifite impamvu zitazi mu gifaransa bakunze kuvuga “la politique a parfois ses raisons que la raison ne connaît pas”.

Nyuma yo gukora manda ibyiri zikurikiranye hagati ya 2005 na 2010, ndetse na 2010 kugeza 2015, Perezida Pierre Nkurunziza yanze kurekura ubutegetsi abamurwanyaga bahise bategura imyigaragambyo yamagana manda ya 3 ndetse icyo gihe Umuryango Mpuzamahanga wanze kwemera ibyari byavuye mu matora.

Kuguma ku butegetsi kwa Perezida Nkurunziza byavuzweho ko bitubahirije Itegekonshinga byatumye hapfa abantu basaga 1200 ndetse ibihumbi 400 by’ abaturage birahunga.

Umwe mu batavuga rumwe na Leta y’ u Burundi, Agathon Rwasa yamaganye ibyavuye muri kamarampaka yo kuwa 17 Werurwe 2018, icyo gihe yatangaje ko ibyakozwe byari bigamije gufasha Perezida Nkurunziza gukomeza kunamba no kuguma ku ngoma.

Mu gihe manda ya Perezida  Nkurunziza yagombaga kurangirana na  2020, Guverinoma y’ u Burundi yahise itegura ivugururwa ry’ Itegekonshinga ashyirwamo ingingo yemerera Perezida uriho kongera gutegeka izindi manda ebyiri z’ imyaka irindwi.

Iyo kamarampaka ntiyigeze amahirwe abantu bashakaga gutora oya kuko benshi bayishakaga batewe ubwoba ndetse n’ abandi barahohotewe abandi banyapolitike bo muri opozisiyo  barafunzwe.

Kuva ubwo abatavuga rumwe na CNDD-FDD ya Perezida Nkurunziza bacecekeshwa muri 2015, abanyapolitiki, abanyamakuru ndetse n’ abakozi ba sosiyete sivile bahise bahunga igihugu.

Icyo gihe abagize Cnared itavuga rumwe na Leta y’ i Bujumbura bahise bahamagararira abaturage kutazitabira amatora yo muri 2020,  basanze ayo matora ataza akurikije amahame y’ amasezerano ya Arusha.

Uyu mushinga w’ ivugururwa ry’ Itegekonshinga mu Burundi wamaganywe n’ Umuryango Mpuzamahanga ndetse n’ Umuryango wa Afurika Wunze Ubumwe (AU) kugeza naho yanze kohereza indorerezi muri iki gihugu.

Izindi wakunda

Bwiza.com