bwiza.com
Ahabanza » CECAFA Kagame cup: Rayon Sports yisanze mu itsinda rimwe n’igihangange TP Mazembe
Amakuru Imikino

CECAFA Kagame cup: Rayon Sports yisanze mu itsinda rimwe n’igihangange TP Mazembe

Ikipe ya Rayon Sports yisanze mu itsinda rimwe n’ikipe y’igihangage muri Afurika TP Mazembe muri tombora y’uko amakipe azahura mu irushanwa rya CECAFA Kagame Cup 2019 izabera mu Rwanda muri Nyakanga uyu mwaka.

Kuri uyu wa gatanu tariki ya 21 Kamena 2019 nibwo habaye iyi tombora yasize Rayon sports yatwaye igikombe cya shampiyona mu Rwanda yisanze mu itsinda rya mbere hamwe na TP Mazembe yo muri Congo, KMC ( Tanzania), na Atlabara yo muri Sudani Yepfo.

Iri rushanwa rizabera mu Rwanda kuva tariki ya 7 kugeza 21 Nyakanga 2019. Rizahuza amakipe 16 azaturuka mu bihugu bitandukanye byo mu karere ka CECAFA ndetse n’andi makipe yatumiwe aturutse mu tundi turere. Amakipe azahagararira u Rwanda ni Rayon Sports, APR FC na Mukura Victory sports.

Iri rushanwa rigiye kubera mu Rwanda ku nshuro ya gatandatu. Ikipe ya APR FC ikaba yaregukanye iki gikombe inshuro eshatu. Iri rushanwa rikaba ryegerejwe abakunzi b’umupira w’amaguru kuko rizabera mu migi itatu itandukanye ari yo; Kigali, Huye na Rubavu.

Itsinda rya A na C azakinira i Kigali , itsinda B rizakinira i Huye mu gihe itsinda rya D rizakinira i Rubavu . Amakipe yatumiwe adakomoka muri aka karere ni TP Mazembe yo muri Congo, Green Buffalos yo muri Zambia na Daring Club Motema Pembe na yo yo muri Congo.

Dore uko amakipe agabanyije mu matsinda ane:

Itsinda A: Rayon sports( Rwanda), TP Mazembe(DRC),KMC (Tanzania) na Atlabara (Sudan y’Epfo)
Itsinda B: Azam FC( Tanzania), Mukura VS(Rwanda), Bandari FC ( Kenya), na KCCA( Uganda)
Itsinda C: APR FC ( Rwanda), Proline FC( Uganda), Green Buffaloes( Zambia) na Heegan (Somalia)
Itsinda D: Gor Mahia FC(Kenya), DCMP(DRC), KMKM( Zanzibar) na AS Ports( Djibuti).

Izindi wakunda

Bwiza.com