bwiza.com
Ahabanza » Rihanna mu ntambara y’ubucuruzi na se
Amakuru mashya Imyidagaduro mu mahanga

Rihanna mu ntambara y’ubucuruzi na se

Umuhanzikazi w’Umunyamerika, Rihanna Fenty yareze se mu rukiko amushinja gukoresha izina rye ry’ubucuruzi (business brand). Uyu musaza na we yamusubije asaba ko urukiko rwahagarika iki kirego.

Rihanna na se, Ronald Fenty barapfa izina rya ‘Fenty’. Iri zina Rihanna yarihaye ubucuruzi bwe bw’ibirungo bisigwa ku mubiri. Ise na we amusubiza ko burya iri zina yarikoresheje mu bucuruzi uyu mukobwa we ataravuka.

Ronald avuga ko kuba Rihanna yaramamaye ari byo bimwoshya, akumva ko iri zina rigomba kuba irye.

Rihanna ashinja se kuba yarakoresheje iri zina mu 2015, ubwo yatangizaga ibikorwa bya ‘Fenty Entertainment’ byari bigamije guteza imbere ibitaramo, akazi ke, ubucuruzi, kwimenyekanisha mu myidagaduro nk’icyamamare. Avuga ko atigeze amusaba uburenganzira bwo gukoresha iri zina, se we akavuga ko umukobwa atarifiteho uburenganzira wenyine. Yongeraho ko habaho kwitiranya ubucuruzi bw’umubyeyi n’umwana ariko se avuga ko kuva yamurika ibikorwa bye, hatarabaho kwitiranya ubucuruzi bwabo.

“N’ubwo Fenty ari izina rya data, ntabwo afite ubushobozi bwo gukorera mu izina ryange atansabye uburenganzira” Rihanna avuga kuri se.

Rihanna yandikiye se kenshi amusaba ko yahagarika ibikorwa bye mu izina rya ‘Fenty’ ariko ntiyigeze abihagarika. Mu 2018, Ronald yigeze gushyira iri zina (Fenty) kuri amwe mu mahoteli muri Amerika ariko ikigo gishinzwe kubungabunga amazina y’ubucuruzi kirivanaho.

Ikinyamakuru The Blast dukesha iyi nkuru kivuga ko umubano wabaye hagati ya Rihanna na Ronald ntiwagendaga neza no kuva akiri muto kuko yigeze kubwira Oprah Winfrey, nyiri kimwe mu binyamakuru bikomeye muri Amerika ko se yahohoteraga nyina. Yamubwiye ko hari igihe yigeje kumushinja ubwo yari yamuvunnye izuru.

 

 

Izindi wakunda

Bwiza.com
error: Alert: Ntabwo byemewe!!