bwiza.com
Ahabanza » UFC: Umurwano uzahuza Justin Bieber na Tom Cruise witezweho umubare w’abafana udasanzwe
Amakuru mashya Imyidagaduro

UFC: Umurwano uzahuza Justin Bieber na Tom Cruise witezweho umubare w’abafana udasanzwe

Icyamamare mu muziki, Justin Bieber n’icyamamare muri filime, Tom Cruise bemeranyije kurwana. Ni umukino witezweho abafana benshi baturutse muri udu duce tw’imyidagaduro dukunzwe cyane.

Bieber ubwe yihamagariye Tom Cruise uri mu bakinnyi ba filimi binjiza akayabo, amubwira ko bagomba guhurira ku kibuga cya Octagon  gikinirwamo imikino njyarugamba muri iyi shampiyona ya UFC. Ubu butumwa bwarebaga na Dana White, umuyobozi w’irushanwa.

Ubuyobozi bw’ikigo cya  William Morris Endeavor  bufite mu biganza iri rushanwa bwahamagaye ureberera inyungu za Bieber, Scooter Braun na White, bemeza ko nta kabuza umurwano ugomba kuba.

Abasesengura ibijyanye n’imirwanire bavuga ko uyu murwano ushobora kuzinjiza amafaranga menshi kurusha uwahuje Umunya-Ireland, Conor McGregor na Floyd Mayweather n’uwa Olajide Olatunji (KSI) na Logan Paul wabereye mu mugi wa Manchester mu Bwongereza.

Justin Bieber ufite imyaka 25 y’amavuko, aragereranywa n’uruhinja. Tom Cruise we afite imyaka 56 y’amavuko; agereranywa n’igisasu cya kirimbuzi (missile). Igihe bazahanganire muri Octagon ntikiratangazwa.

Ubusanzwe nta bigwi bafite muri uyu mukino

Justin Bieber tumuzi mu ndirimbo zitandukanye nka Baby yashyize hanze mu 2010, Company mu 2015, Sorry mu 2015, Love Yourself mu 2015, Cold water mu 2016 n’izindi nyinshi yakoze kuva akiri muto. Tom Cruize yakinnye anagira uruhare muri filime nka Risky Business yakozwe mu 1986, Rain Man mu 1988, Interview with the Vampire mu 1994, Jerry Maguire mu 1996, uruhererekane rwa Mission Impossible kuva mu 1996 kugeza mu 2018, The Last Samurai mu 2003, Knight and Day mu 2010, Jack Reacher mu 2012…

Izindi wakunda

Bwiza.com