bwiza.com
Ahabanza » CAN 2019: Uganda yafatwaga nk’umwana mu irushanwa yandagaje RDC
Amakuru mashya Imikino

CAN 2019: Uganda yafatwaga nk’umwana mu irushanwa yandagaje RDC

Ikipe y’umupira w’amaguru ya Uganda yandagaje Repubulika Iharanira Demukarasi ya Congo mu mikino y’igikombe cy’Afurika cy’Ibihugu (CAN 2019).

Uganda yaje muri iri rushanwa mu Misiri nta bigwi ifitemo ugeranyije na RDC yatwaye ibikombe inshuro ebyiri. Abenshi bahaga iyi kipe iri mu burengerazuba bw’Afurika amahirwe menshi yo gutsinda Uganda ariko si ko byagenze. Uganda irangije umukino itsinze ibitego 2 ku busa bwa RDC.

Ni ibitego byose byatsindishijwe imitwe kandi ku mipira y’imiterekano. Ku munota wa 14 w’umukino ni bwo Umugande, Patrick Kaddu yatsinze igitego ku mupira wari uturutse mu nguni (corner). Igice cya mbere cyarangiye ari uko. Ku munota wa 48, Emmanuel Okwi na we yatsinze igitego cya 2 ku mupira wavaga kuri ‘free kick’, umukino urangira utya.

Mu 2017, Uganda yitabiriye iri rushanwa ariko yarinze isezererwa itsinzwe imikino yose mu matsinda. Yari iheruka muri iri rushanwa mu 1978.

Amakipe y’ibihugu yitezweho ibitangaza nyuma y’uyu mukino wa Congo na Uganda. Twese duhanze amaso Uburundi ngo turebe niba bwivana imbere ya Nigeria dore ko bwemerewe akayabo k’amafaranga n’ishyirahamwe ry’umupira w’amaguru iwabo. Mu mpamvu zatuma abakinnyi babwo bigaragaza n’iyi yabamo.

 

Izindi wakunda

Bwiza.com