bwiza.com
Ahabanza » Kureka gukururana n’ inshuti yanjye amaze kurushinga byamufashije kurwubaka
Urukundo

Kureka gukururana n’ inshuti yanjye amaze kurushinga byamufashije kurwubaka

Hashize umwaka umwe inshuti yanjye ikoze ubukwe ariko mu bihe bya mbere yumvaga twajya tubonana buri munsi nk’ uko byari bisanzwe nubwo nari ntuye kure nawe ariko buri mugoroba yakoraga uko ashoboye akampamagara kuri telefoni tukavugana.

Gusa naje gusanga bigomba guhinduka kuko we yifuzaga ko twakomeza kubana nk’ uko twabanaga mbere atarashaka akumva twakomeza gukururana ariko nahise nshyira mu gaciro kuko sinifuzaga kuba intandaro y’ ibibazo by’ urugo rwe kuko natekereje nsanga kenshi igihe yifuza ko twaba turi kumwe dutera imisingo agomba kuba ari kumwe n’ umugabo we.

Mu itangiro byaratugoye kwiyumvisha ko twamara umunsi umwe, icyumweru ndetse n’ ukwezi kose tutabonana ariko buhoro buhoro byagiye bishoboka.

Ikinshimisha uyu munsi ni uko nubwo  ntakibonana kenshi n’ inshuti yanjye , umubano wacu umeze neza ndetse mbona n’ umugabo we abinyubahira kuko iyo iwabo bateguye ibirori bantumira mu bantu ba mbere kandi b’ icyubahiro.

Iyo umuntu amaze gushaka umugabo cyangwa se umugore agomba guhugira ku cyateze imbere urugo rwe bitavuga ko agomba kwirengagiza inshuti na bavandimwe.

Nta mpamvu rero yo kwiyibagiza abo mwabanye mbere utarajya kubaka urwawe icy’ ingenzi gifite agaciro n’ ukugira ubumenyi mu gukoresha umwanya kuko ibyo bigufasha ku buryo buri umwe umuha umwanya umukwiriye kuko abashakanye bahora bakenera inshuti mu bihe byiza ndetse n’ ibihe by’ amagorwa.

Izindi wakunda

Bwiza.com
error: Alert: Ntabwo byemewe!!