bwiza.com
Ahabanza » Naterewe inda mu gitaramo cy’Ubunani n’umusore ntazi none umwana amereye nabi ambaza se- Nkore iki?
Urukundo

Naterewe inda mu gitaramo cy’Ubunani n’umusore ntazi none umwana amereye nabi ambaza se- Nkore iki?

Hari ku itariki ya 31 Ukuboza 2012, twari mu gitaramo cyari cyabereye muri Kaminuza i Butare, icyo gihe nanjye niho nigaga, kubera ibyishimo n’umunezero nahamenyaniye n’umusore birangiye anteye inda ntamuzi.

Twamenyaniye mu gitaramo, kirangiye dukomereza mu mujyi wa Butare ahari habereye After Party, twanyonye inzoga ya likeli njyewe mvanga na Fanta, naje gucika intege abona ko nasinze n’uko anjyana muri lodge aho twararanye, duhuza urugwiro mu gihe cy’amasaha make pe.

Icyaje kumbabaza ni uko bwakeye akampa nimero ye ya tigo, tukamara iminsi tuvugana ariko nyuma aho mubwiriye ko yanteye inda akanga no kongera kunyiyereka, isura ye ndayibuka na nubu ariko si nzi ngo iwabo nihe, izina rye nzi rimwe, naryo sinzi niba atarambeshye.

Umwana naramutwise, ndamubyara, n’amasomo yanjye ndayakomeza, nkirangiza mpita mbona akazi keza pe, ntacyo mbuze yewe n’umwana wanjye ariga neza kandi mu ishuri ryihagazeho ariko ikibazo ni kimwe.

Ntabwo bushobora kwira atambajije ngo tuzajya gusura papa ryari? Abona ifoto y’umuntu w’umugabo muri telefoni akambaza ngo uyu ni papa? Yakumva mvuganye n’umuntu ati ‘ni papa uje kundeba?

Mbese sinzi niba n’abandi bana bageze muri iki kigero cy’imyaka 6 ariko bamera, gusa anyereka ko ashaka se cyane, none byanyobeye pe!.

Nkomeza kumubwira ko ntawe, akambaza ati yagiye he? Nabuze ikintu kimwe namubwira akaba ari nacyo azakurana kandi ntamubeshye. Ku myaka ye biragoye kumubwira amateka y’ibyambayeho.

Nsoza ndagira inama abakobwa zo kwirinda, kuko nyuma yo kwishora mu busambanyi, ingaruka ziba nyinshi ku mukobwa, uwo ashobora kubyara ndetse n’umuryango pe! Sinifuza icyo nkeneye ariko nsaba Imana ngo byibura izankorere ibitangaza menye se w’umwana wanjye, numva aribwo nabona umutekano.

Nasanga akennye, nasanga afite undi mugore, nasanga ameze ate, ntacyo bimbwiye nta nubwo mushaka ngo tubane cyangwa mwake iki cyangwa kiriya, ni ukugira ngo umuhungu wanjye mwereke nti ‘dore papa wawe’.

Izindi wakunda

Bwiza.com