bwiza.com
Ahabanza » Peace Cup: Kiyovu Sports ikomereje ku bitego byo hanze
Amakuru Imikino

Peace Cup: Kiyovu Sports ikomereje ku bitego byo hanze

Kuri uyu wa 30 Kamena, mu mukino wa 1/2 cy’irushanwa ry’Igikombe cy’Amahoro, Kiyovu Sports ikomereje ku bitego byo hanze isezereye Police FC.

Uyu mukino wabonetsemo ibitego 6 muri rusange, warangiye Police FC yakiniraga iwayo itsinze Kiyovu Sports ibitego 4-2 ariko ntibyagira kinini bitanga kuko mu mikino ibiri amakipe yanganyaga ibitego 4-4 ariko kubera ko iyi kipe yiswe ‘Urucaca’ yatsindiye hanze ibitego 2, byayihaye amahirwe yo gukomeza.

AS Kigali yo yakomeje ku wa 29 Kamena, ubwo yatsindaga Rayon Sports ibitego 2-1, ari na byo yari yatsinzwe ku mukino ubanza. Byabaye ngombwa ko hitabazwa penaliti, AS Kigali ikomeza ityo.

Kiyovu Sports yaherukaga ku mukino wa nyuma w’igikombe cy’Amahoro mu 1998. Izahura na AS Kigali ku wa 4 Nyakanga; ni bwo hazamenyekana ikipe itwaye igikombe hagati y’aya makipe yombi yasabye kwihuza akaba ikipe imwe.

Izindi wakunda

Bwiza.com