bwiza.com
Ahabanza » Mukuru wanjye yanyirukanye iwe anziza kutisanzura mu gihe cy’imibonano mpuzabitsina
Amakuru Urukundo

Mukuru wanjye yanyirukanye iwe anziza kutisanzura mu gihe cy’imibonano mpuzabitsina

Muraho neza, mugire inama kuko ubu nsa nk’uri mu mazi abira nyuma y’aho mukuru wanjye amenyeye ko iyo akorana imibonano mpuzabitsina n’umugabo we mba mbyumva.

Mu bisanzwe, ku ivuko ni muri Karongi, maze imyaka itatu mba muri urwo rugo, njyewe ndi umunyeshuri haburaga imyaka ibiri ngo nsoze amasomo yanjye. Bitewe n’imiterere y’inzu yabo, icyumba wararamo cyose ntibyakubuza kumva ibikorerwa mu cyumba cy’abakuru.

Mu minsi ishize nibwo yashatse kunganiriza ariko anyinja, ashaka kumenya niba hari ibyo njya numva barimo kuganira bya gikuru, ndavuga gutera akabariro, rwose ntabwo naciye ku ruhande naramwemereye ko mbyumva kandi ko ndi namukuru, ko ibyo ntacyo byambangamiraho.

Rwose nabonye ko bimubabaje cyangwa se bimuteye guhangayika, gusa ku rundi ruhande na njye mbere byarambangamiraga, nk’umuntu nkumva nanjye ngize ubushake bw’icyo gikorwa, ariko ubu narabimenyereye, ibyo bakora byose ntacyo biba bimbwiye.

Nyuma yo kumubwiza ukuri, nabonye ahindutse, hashira iminsi mbona atishimye, ubu yambwiye ko nshaka aho kuba, ko inzu yabo ari nto, mbese ambeshya n’ibindi ariko icyo nzira ndakizi. Gusa umugabo we, si umushurashuzi, mu gihe tumaranye ntacyo mushinja pe.

Imyaka itatu tumaranye, kuri iyi ngingo y’ubusambanyi, ntayo muziho pe. Ubu rero ndareba nkasanga bitoroshye pe! Mungire inama, kuko no kwicumbikira mba mbona bitoroshye kandi ikirenze kuri icyo n’amafaranga narihaga y’ishuri (Kaminuza) hari ayo banyongereragaho.

Nkibaza nti, ese kunyirukana byaba byaraturutse kuri bombi [ Umugabo n’umugore], ese naba mbabangamira nte? hari uwaba yarambeshyeye se ko ndyamana n’umugabo we? ku bwanjye sindiyumvisha impamvu nirukanywe amaze kumenya neza niba batera akabariro mbyumva, kuko niyo bacuranga radio ntibimbuza kubyumva.

Izindi wakunda

3 Ibitekerezo

umufasha 01/07/2019 2:26 pm at 2:26 pm

Ibi ni ibihimbano ntago wabyikiriza wiga kaminuza,gusa niba byaranabaye ukamwikiriza wakoze amakosa ubwo uzashaka aho. uba kuko warababangamiye uranabibabwira.gusa nabo bagombye gushaka amasaha ababereye ,none se utari uwo bacumbikiye urumwana wabo nabwo bakwirukana.Birakaze!

Subiza
kalisa 02/07/2019 11:48 am at 11:48 am

Ni kwihangana niko bigenda iyo uri mu kazu gatoya katubakanye ubuhanga ku buryo amajwi ava mu cyumba kimwe akajya mu kindi. Ni kujya kuri Campus.

Subiza
kamana 02/07/2019 11:28 pm at 11:28 pm

Wikoze ho cyane bya cyana. Uri umwana koko n’ubwo wiga Kaminuza… ikintu nk’icyo cy’ibanga, kibera imuhira, ukikubajije wese n’iyo yaba uwo hanze utaba muri iyo nyumba, urijijisha ukabihakana ko utajya ubyumva, ubundi ukaryuma ho. N’umwana wa bene urugo iyo abyumva agatinya kubaza nyina cg Se, akaza kukubaza niba ibyo tumva nawe ujya ubyumva uramucyaha uti: Hora!! Ibyo uvuga n’ibiki ko jye ntabizi. Ukinumira.
N’uko rero senga Nyafasani agushakire aho uba nta kundi.

Subiza

Tanga Igitekerezo

Bwiza.com