bwiza.com
Ahabanza » RDC: Umwe mu bari mu myigaragambyo yateguwe na Lamuka yishwe
Amakuru Politiki

RDC: Umwe mu bari mu myigaragambyo yateguwe na Lamuka yishwe

Umwe mu bari mu myigaragambyo yateguwe n’ihriro, LAMUKA, ritavuga rumwe n’ubutegetsi muri Repubulika iharanira Demokarasi ya Congo yishwe kuri iki Cyumweru, itariki 30 Kamena. Igipolisi kikaba cyakoresheje amasasu ya nyayo mu kuburizamo iyi myigaragambyo yabereye mu gace ka Majengo, muri Komini Karisimbi.

Imyigaragambyo yo mu gitondo cyo kuri iki Cyumweru, i Goma yitabiriwe n’urubyiruko rw’ihuriro Lamuka rwari rwafunze imihanda, Mutinga-Majengo na Ndosho-Mugunga yose yinjira mu Mujyi wa Goma.

Ni urubyiruko rwigaragambyaga rwamagana kutemerwa kw’abadepite bamwe batavuga rumwe n’ubutegetsi.

Abigaragambya bagerageje kwiyegeranya mber y’iyo myigaragambyo mu gace kazwi nka Mutinga nk’uko Radio Okapi dukesha iyi nkuru ivuga.

Nk’uko byatangajwe n’Umuhuzabikorwa w’urubyiruko rwa Lamuka muri Goma, Robert Zibawanza, umurambo w’uwo muntu wishwe wahise ujyanwa na polisi mu buruhukiro bw’ibitaro by’intara.

Radio Okapi ikaba ivuga ko yagerageje kumva icyo Umuyobozi wa polisi mu ntara, Gen. PlacideNyembo, avuga ariko bikanga.

 

Izindi wakunda

Bwiza.com