bwiza.com
Ahabanza » Uri imana y’ubukene- Visi Perezida wa Kenya abwira Raila Odinga
Amakuru

Uri imana y’ubukene- Visi Perezida wa Kenya abwira Raila Odinga

Visi Perezida wa Kenya, William Samoei Ruto yabwiye Raila Odinga, utavuga rumwe n’ubutegetsi ko azakora ibishoboka byose uyu mugabo ntagire umwanya w’ubutegetsi abona muri Kenya kuko ameze nk’imana y’ubukene.

Ruto avuga ko Odinga nta kindi agamije kitari ugutuma Abanyake basigara bakennye ubundi bagasigara ari we bateze amaboko nk’uko Radio Jambo dukesha iyi nkuru ibitangaza.

Aya magambo ya Ruto kuri uyu wa 1 Nyakanga uyu mwaka, yari agamije gusubiza Raila Odinga uherutse gusaba ko abayobozi batura agatubutse mu nsengero,bazajya basobanura aho bakura ayo mafaranga.

Mu kumusubiza, William Ruto yagize ati “ Wamaganye impapuro mpeshwamwenda ngo ushyigikire ubujura.Wanze imishinga ya gari ya moshi uvuga ngo ni ubujura none ubu uramagana ko abantu batanga amaturo mu nsengero. Ikibigutera ni uko uri Imana y’ubukene kuko nibwo ushaka muri iki gihugu.”

Yakomeje agira ati “  Buri gahunda y’iterambere yose urayamagana bityo abantu bakene, bakomeze kukuyoboka. Ndakubwira ko tuzakora umunsi n’ijoro kugira ngo turwanye ubukene. Nta mwanya uzigera ugira muri iki gihugu.”

Uyu mutegetsi yavuze ko atazigera areka gutanga amaturo mu rusengero cyane ko ngo hari uburyo bivana abaturage mu bukene by’umwihariko abagore.

Izindi wakunda

Bwiza.com