bwiza.com
Ahabanza » USA: Ukekwaho ibyaha bya jenoside yasabye gufungwa aho  koherezwa mu Rwanda
Amakuru

USA: Ukekwaho ibyaha bya jenoside yasabye gufungwa aho  koherezwa mu Rwanda

Umunyarwanda, Jean Leonard Teganya arasaba gufungwa aho kugira ngo yoherezwe mu Rwanda bitewe n’ibyaha bya jenoside yakorewe Abatutsi mu 1994 akekwaho kutabwira abashinzwe abinjira n’abasohoka muri Leta Zunze Ubumwe za Amerika ubwo yasabaga ubuhungiro.

Mu nyandiko yashyikirijwe urukiko binyuze ku munyamategeko we witwa  Scott Lauer, Teganya asaba ko yahanishwa gufungwa amezi 63 akemeza ko aramutse yoherejwe mu Rwanda ashobora gufungwa hejuru y’imyaka 20 cyangwa se ikaba yanarenga.

Teganya yasabye ko yaba afungiye ahitwa Berlin muri New Hempshire aho ashobora gusurwa n’umuryango we ugizwe n’uumugore n’abana be babiri b’abahungu, bafite ubwenegihugu bwa Canada.

Inkuru dukesha Boston Herald ivuga ko ubushinjacyaha kuri uyu wa 1 Nyakanga uyu mwaka, bwasabiye Teganya gufungwa imyaka 20 kuko yabeshye ko nta ruhare yagize muri jenoside yakorewe Abatutsi mu 1994 ubwo yasabaga ubuhungiro muri Amerika.

Umucamanza mu rukiko rwo mu Mujyi wa Boston,  Dennis Saylor yavuze ko Teganya ashinjwa kuba muri Amerika mu buryo butemewe n’amategeko kuko yabeshye inzego zishinzwe abinjira n’abasohoka muri Mata 2019.

Saylor avuga ko ubwo Teganya yasabaga ubuhungiro ntacyo yigeze ahingutsa ku byo yaba yarakoze ubwo yari mu Ishyaka rya MRND. Yavuze ko “ Nta n’umwe nigeze mpohotera.”

Mu gihe cya Jenoside yakorewe Abatutsi Teganya, yari umunyeshuri muri Kaminuza y’u Rwanda I Butare aho yigaga ibijyanye n’ubuvuzi. Ashinjwa kugira uruhare mu kwica Abatutsi akoresheje ishoka no kubafata ku ngufu.

Uyu mugabo yafashwe ubwo yageragezaga kwambuka ava muri Canada, ajya muri Amerika aho yari yasabye ubuhungiro muri Nzeri 2014.

Izindi wakunda

Bwiza.com
error: Alert: Ntabwo byemewe!!