bwiza.com
Amakuru Urukundo

Mama ahora ansaba kuzajya kwibera muri Ghetto, sinzi ikibimutera- Nkore iki?

Mugire amahoro ya Nyagasani, nitwa Louise, ndi umukobwa w’imyaka 24, nkaba mbana na mama n’umukozi umwe w’umuhungu na we ufite imyaka 18.

Tuba mu gipangu cya twenyine uko turi batatu muri Kigali, Data yitabye Imana niga mu mwaka wa Kane Segonderi, ubu nkaba niga mu mwaka wa kabiri kaminuza. Twavutse turi babiri musaza wanjye we yakuriye kwa sogokuru.

Kubera ukuntu data yankundaga ntabwo yigeze yifuza ko niga mba mu bigo, nagiye niga ntaha mu rugo, mu gitondo akangeza ku ishuri agiye ku kazi na nimugoroba byaba ngo,mbwa akaza kuntwara.

Imyaka itanu ishize tumubuze, mama ntabwo nari namubona azana undi mugabo ngo babe baryamana mu rugo, ariko akomeza kunyereka ibyiza byo kubaho nsa n’uwigenga,  ngo nzashake aho ncumbika muri ghetto, ngo azananshakira umukozi n’inzu ayishyure, ariko namubaza impamvu akansobanurira ko ari ugutegura ubuzima bw’ejo hazaza ariko njye nkabona abifitemo izindi nyungu.

Gusa nanjye ndi mukuru, hari igihe ndeba utu message aba yandikiranye n’umugabo cyangwa se umusore ntaramenya nkabona ahari ari mu rukundo. Nkibaza nti ese yaba ashaka kuzana umugabo wo kubana na we mu rugo rwa data.

Nkibaza nti ese yaba ashaka ko uwo mugabo azajya ahaza ntahari se, kugira ngo ntabarogoya. Mbese ndi mu ihurizo rikomeye cyane. mungire inama, murakoze!

 

Izindi wakunda

3 Ibitekerezo

kamana 02/07/2019 11:15 pm at 11:15 pm

Urabaza amenyo y’inkoko urora ikidondo cya yo? Arashaka gucyura cg gucurwa.
Ariko ulurikije ibyo agusaba, arashaka gucyurwa kandi ntashaka ko ububona Ngo uzasuzugure umuhabara we cyane ko azi neza ko utazapfa kwemerera uwo ubonye wese kuvogera urugo rwa So n’ubwo atagihari.
Ariko, kukugira iyo nama nk’umubyeyi bitumye jye numirwa.
Ababyeyi b’ubu ni inyamanswa.
Niba atubaha Uwiteka, ararikiye gucyura tu. Gusa kukohereza mu gasozi byo ndumiwe. Ubundi mu kinyarwanda cy’umuco umubyeyi aba acungira bugufi umukobwa we Ngo hatagira numukora ho, ariko ababyeyi b’ubu bo nta n’impuhwe bakigirira abakobwa ba bo.
Jye ndakugira inama yo kutazagira aho ujya habe no guhirahira uter’imbwe n’imwe Ngo urasohotse ugiye muri nyakatsi izo Ngo ni ghetto.
Nta soni koko, umubere ibamba kandi wirinde gusakuza cg kumurakarira.
Uzamubwire uti:
Ni njya muri ghetto nkahatwarira inda bizagushimisha maze uzumve icyo avuga. Kuko ababyeyi hafi ya bose basuzugura umukobwa wese uba muri bene utwo ducumbi babita indaya.
Uzamubwire uti: Nzava aha ngiye gushyingirwa cg mbonye akazi kure gusa.
Uzamubaze uti: Ese nsigaye ndrya byinshi nkagucura bituma unyirikana? Kuko ibyo ni ukukwirukana mu cyayenge kandi nawe nturi injiji.

Subiza
BIMPENDA Jean bosco 03/07/2019 11:40 am at 11:40 am

ntuzahirahire uva mu rugo ariko kandi ntibizagutere gusuzugura umubyeyi wawe ukomeze umuhe icyubahiro kimukwiye kuko yarakubyaye.
Izo ni intege nke z’ umubiri cga irari ry ‘ abagabo afite kandi ibyo ni ibisanzwe umubabarire .

uzamubwire ko umukunda cyane ku buryo kuva papa wawe yapfa utajya wifuza kujya kuba kure ye.
bible iravuga ngo bene abo mujye mubakuruza umwuka w’ ubugwaneza kandi ngo imvugo nziza ihosha uburakari

Imana izabigufashemo turagusengera

Subiza
Kadafi 12/07/2019 2:45 pm at 2:45 pm

Waratinze kugenda uko byumva, nkurikije imyaka ufite 24 ans irahagije kandi urakuze bihagije, wagize n’amahirwe wiga muri kaminuza urajijutse. Ubu mu bihugu bwateye imbere umwana iyo agejeje 18 ans abagenda agashaka icumbi rye ku giti cye bityo bimutegurira ejo hazaza he. Urumva ibyo maman akubwira ni byiza tanga umutuzo kandi nawe wihe umutuzo.

Subiza

Tanga Igitekerezo

Bwiza.com
error: Alert: Ntabwo byemewe!!