bwiza.com
Ahabanza »  Col. Ndahura ushinjwa gushimuta Abanyarwanda baba muri Uganda yasimbujwe
Amakuru

 Col. Ndahura ushinjwa gushimuta Abanyarwanda baba muri Uganda yasimbujwe

Perezida Yoweli Kaguta Museveni wa Uganda akaba n’Umugaba w’Ikirenga w’Ingabo z’iki gihugu yakoze impinduka mu gipolisi zirimo nko kusimbuza Col. Ndahura Atwoki ushinjwa gushimuta impunzi z’ Abanyarwanda ziba muri Uganda.

Col. Ndahura Atwooki yayoboye Urwego Rushinzwe Kugenza Ibyaha muri Polisi ya Uganda (CID) mbere yo gutabwa muri yombi muri Kamena 2018.

Mu mpinduka zakozwe na Museveni, uyu mwanya wahawe  Col. Chris Sserunjogi Ddamulira wari usanzwe ari umuyoboi wungirije mu Rwego rw’iperereza rya Gisirikare (CMI).

Umuvugizi w’Igisirikare cya Uganda, Brig. Richard Karemire yabwiye Chimpreports ko izi mpinduka zigamije gufasha igipolisi kongera imbaraga mu gucunga umutekano.

Ati “ Ni ugufasha abavandimwe bacu muri polisi mu gucunga ituze n’amategeko.”

Muri rusange, impinduka zakozwe n’izo kuzana abasirikare b’inararibonye mu gipolisi aho byitezwe ko bazahangana na ruswa ndetse n’abacengezi (Kawukumi)  bari baraseseye iki gipolisi.

Ddamulira  n’abandi basirikare bahawe imyanya mu gipolisi nk’uko byatangajwe na IGP Martin Okoth Ochola, bazahabwa ipeti rya AIGP, abayobozi ba polisi bungirije.

 

 

Izindi wakunda

Bwiza.com
error: Alert: Ntabwo byemewe!!