bwiza.com
Ahabanza » AS Kigali itwaye Igikombe cy’Amahoro hitabajwe indi minota 30
Amakuru mashya Imikino

AS Kigali itwaye Igikombe cy’Amahoro hitabajwe indi minota 30

AS Kigali itwaye igikombe cy’Amahoro 2019 itsinze Kiyovu Sports mu minota 120. Ni umukino wahuje aya makipe kuri iyi tariki ya 4 Nyakanga, umunsi wo Kwibohora ku nshuro ya 25 kuri sitade ya Kigali i Nyamirambo.

Iyi kipe y’abanyamugi ishoboye kwegukana iki gikombe ivuye inyuma kuko yabanje gutsindwa igitego cya mbere. Ni igitego cy’umutwe cyatsinzwe ku munota wa 39 na Rwabuhihi Placide, giturutse kuri ‘coup franc’ ya Kalisa Rachid.

Ku munota wa 54 w’umukino, Niyomugabo Jean Claude yishyuriye AS Kigali. Iminota 90 n’indi 3 y’inyongera yarangiye amakipe yombi anganya 1-1. Byabaye ngombwa ko umusifuzi yongeraho indi minota 30 (extra time) byananirana, hagaterwa penaliti ariko ku munota wa 93, Nsabimana Eric yatsindiye AS Kigali igitego cy’insinzi.

Ibirori by’Umunsi wo Kwibohora n’insinzi yo gutwara igikombe byabaye ibyishimo byahuriranye ku bakunzi n’abakinnyi ba AS Kigali.

Muri rusange, uyu mukino w’amakipe ashobora kuzihuza waryoheye ijisho kuko waranzwe n’ishyaka rigamije insinzi.

AS Kigali yaherukaga iki gikombe mu 2013 yageze ku mukino wa nyuma isezereye Rayon Sports, Kiyovu yo yasezereraga Police FC.

Izindi wakunda

Bwiza.com