bwiza.com
Amakuru Featured Politiki

Kwibohora ni ubumwe, amajyambere, umutekano, abantu bakagira gutera imbere mu byo bifuza – Perezida Kagame

Perezida Kagame asanga “Kwibohora” ari uburenganzira, ari ubumwe, ari amajyambere, ari umutekano, abantu bakagira gutera imbere mu byo bifuza ibyo ari byo byose nk’uko yabitangaje mu ijambo yagejeje ku Banyarwanda muri rusange n’abari bateraniye kuri Stade Amahoro mu birori byo Kwibohora ku nshuro ya 25, kuri uyu wa Kane, itariki 04 Nyakanga 2019

Perezida Kagame mu ijambo rye yavuze ko Intego y’urugamba rwo kubohora Igihugu yari iyo guharanira ko Abanyarwanda bose bagira uburenganzira bungana.

Ati: “Amateka twayasize inyuma tureba ahazaza, twese hamwe nk’umuryango dukomeze dushyigikire izi ndangagaciro buri wese agira uruhare ku giti cye ndetse tubitoze n’abadukomokaho, ntituzongere kuyobana habe na rimwe.”

Yakomeje avuga ko Urugamba rwari ngombwa kandi rwari nta gisibya. Icyerekezo cy’ubumwe n’ubutabera cyabonye inkunga yagutse cyari gishingiye ku bumuntu ariko icyabyemeje ari ibikorwa atari amagambo.

Yavuze ko mu myaka 25 ishize habayeho gukora ibishoboka mu gushyiraho imiyoborere ishingiye bitekerezo byagendeweho mu rugamba rwo kubohora igihugu barwaniye. Ati: “Imyitwarire y’ingabo zacu ni urugero rumwe.”

Urundi rugero yyatanze ni ubutwari bw’Abanyarwanda banze politiki z’amacakubiri, cyangwa abashyira imbaraga buri munsi mu guhindura igihugu nk’uko byagaragaye mu myaka 25 ishize.

Icyavuyemo nuko ibitarashobokaga byashobotse ndetse bikaba ibisanzwe. Ati: “kugera ku bintu nko kugarura icyizere n’amahoro, cyangwa gukorera hamwe, urugero.” Yongeyeho ko ariko ibi bidakwiye gufatwa nk’ibitaravunikiwe.

Ati: “Ingabo zacu n’abandi baziteye ingabo mu bitugu babayeho, abandi bapfira Igihugu cyacu.Abakiriho baracyakomeje kugikorera batiganda. Benshi mu barwanye urugamba rwo kubohora Igihugu turi kumwe hano mu bitekerezo kuko bitanzeho igitambo ntagereranywa”.

Perezida wa Repubulika kandi yatangaje ko u Rwanda rwishimira isano iri hagati yo kwibohora kw’u Rwanda n’urugamba aAfurika iriho rwo kuba umugabane wishiboye. Yavuze ko impande zombi zisangiye gushaka kwigenga no kwiteza imbere ku rugero rwo hejuru rushoboka.

Ati:  “Umugabane wacu ntushobora gukomeza kwiringira ibibera ahandi. Imitekerereze yacu igomba kuba kwiringira , mbere ya byose, twe ubwacu, no kwisungana”.

Perezida Kagame akaba yaboneyeho gushimira ingabo zo mu muryango wa EAC zimaze iminsi mu cyumweru cyahariwe ubuvuzi mu Rwanda.

 

Izindi wakunda

1 Igitekerezo

Karekezi Casimir 05/07/2019 6:19 pm at 6:19 pm

Uyu munsi turibuka ubwo ubutegetsi bwafashwe hadakoreshejwe amatora. Ejobundi twibukaga ubwigenge bwaribugamije kuba ubutegetsi bufatwa hakurikijwe ubushake bw’abaturage berekanira mu matora. nibyiza rero ko batandukanyije iyo minsi yombi.

Subiza

Tanga Igitekerezo

Bwiza.com
error: Alert: Ntabwo byemewe!!