bwiza.com
Amakuru mashya Politiki

Urukiko rwategetse ko abadepite bane barimo Bobi Wine n’abaturage 5 bafungwa

Kuri uyu wa kane tariki ya 4 Nyakanga 2019 muri Uganda, urukiko rwa Gulu rwategetse ko abadepite batatu barimo Robert Kyagulanyi uzwi nka Bobi Wine bafungwa.

Umushinjacyaha mukuru mu rukiko rwa Gulu yavuze ko Depite Kyagulanyi, Francis Zaake, Karuhanga, Paul Mwiru na Makindye wahoze ari umudepite ndetse n’abaturage batanu bateje imvururu muri Arua mu 2018, bakaba impamvu yatumye imodoka ya Perezida Museveni iterwa amabuye.

Aba bose uko ari 10 bagombaga kwitaba urukiko kuri uyu wa kane ariko ntibabonetse. Caleb Alaka uhagarariye Bobi Wine na Zaake yavuze ko abakiriya be bari muri Leta Zunze Ubumwe z’Amerika mu nama ya Rainbow Push International. Muri iyi nama, Bobi Wine yaherewemo igihembo kigenerwa impirimbanyi y’uburenganzira bw’ikiremwamuntu.

Abantu 37 ni bo bashinjwa kugira uruhare mu gutera amabuye imodoka ya Museveni ariko hitabye 27 gusa. Abo barimo Kasiano Wadri, umudepite uhagarariye Arua, Eddy Mutwe uzwi nka Edward Ssebuffu, Asara na Shabban.

Bobi Wine, abadepite bane n’aba baturage batanu bafatiwe icyemezo cyo gufungwa kubera ko batitabye urukiko rwa Gulu.

 

Izindi wakunda

Bwiza.com
error: Alert: Ntabwo byemewe!!