bwiza.com
Amakuru mashya Utuntu n'utundi

Bajyanye isake y’umuturanyi mu rukiko-amafoto

Tariki ya 4 Nyakanga mu Bufaransa, abaturage babiri bajyanye isake y’umuturanyi mu rukiko bayishinja urusaku iteza ibika buri gitondo.

Isake yitwa ‘Maurice’. Nyirayo Corinne Fesseau avuga ko ari ubwa mbere yumvishe ko hari umuntu isake ye ibangamiye mu myaka 35 amaze ku kirwa cya Oléron muri iki gihugu. Avuga kandi ko aba baturage bashinja iyi sake kubasakuriza bagomba kubanza gusobanukirwa icyaro.

” Numva igisubizo cyava mu baturage. Bagomba kumva ko icyaro ari icyaro, tukihanganira kubika kw’amasake.” Madamu Fesseau.

Impamvu Jean Louis Biron na Joel Andrieux bubatse iyi nzu, bavuga ko ari uko babonaga hatuje; nta rusaku n’akavuyo byahaba. Bamaze imyaka 15 bubatse iyi nzu kugira ngo bajye bayiruhukiramo. Bavuga ko iyi sake yabasakurije kuva mu 2017, biyama Fesseau ariko bivamo amahane.

Urubanza rw’aba baturage babiri na nyir’isake, Fisseau rwasomwe kuri uyu wa 4 Nyakanga ku rukiko rwa Rochefort mu gace ka Charente Maritime. Isake na yo yari mu rukiko.

Babicishije kuri murandasi, abantu basaga 120,000 bamaze gusaba ko iyi sake yarenganurwa. Ni ubusabe buri kuzuririzwa ku rubuga Fisseau yashyizeho rugaragaza abamushyigikiye n’isake ye.

 

Izindi wakunda

Bwiza.com
error: Alert: Ntabwo byemewe!!