bwiza.com
Ahabanza » Gakenke: Bizihije Umunsi wo Kwibohora ku nshuro ya 25 bataha ibikorwa bagezeho
Amakuru Politiki

Gakenke: Bizihije Umunsi wo Kwibohora ku nshuro ya 25 bataha ibikorwa bagezeho

Nk’ahandi hose mu Gihugu, kuri uyu wa Kane taliki ya 4 Nyakanga 2019, mu Midugudu yose igize Akarere ka Gakenke hizihijwe Umunsi wo Kwibohora ku nshuro ya 25. Ku rwego rw’Akarere, ibirori byijihirijwe mu Mudugudu wa Bukunga, Akagari ka Kirebe, Umurenge wa Karambo hakaba hatashywe ibikorwa birimo ECD Kiribe, Poste de Sante Kanyanza, Amashuri n’ubwiherero, ICT Room ndetse hanashyirwa ibuye ry’ifatizo ahazagurirwa ibiro by’Umurenge wa Karambo.

Umuyobozi w’Akarere ka Gakenke, Bwana Nzamwita Deogratias yashimye ibimaze kugerwaho, by’umwihariko ashima Nyakubahwa Paul Kagame Perezida wa Repubulika y’u Rwanda wayoboye urugamba rwo kubohora Igihugu, agahagarika Jenoside yakorewe Abatutsi none akaba atugejeje ahantu hashimishije, umunyarwanda afite agaciro, ibikorwaremezo byarubatswe, amashuri meza, amavuriro, ibigo by’imari, imihanda, Ikoranabuhanga n’ibindi.

Yasabye abaturage “gufatanya twese tugakora cyane tukiteza imbere dusigasira ibyagezweho. Abarurage bishimiye igikorwa cy’umuhanda wa Kaburimbo uzahuza Umurenge wa Karambo na Gashenyi ndetse n’umuhanda wa kaburimbo uzanyura Buranga-Kamubuga ukagera kuri Base”.

Mu birori, abaturage bagenewe umwanya wo gutanga ubuhamya bw’aho bageze biteza imbere babikesha Leta y’Ubumwe nyuma yo kubohora u Rwanda.

Ahishakiye Daniel wo mu Murenge wa Karambo mu buhamya yatanze mu rwego rwo kwiteza imbere yavuze ko yiyubakiye inzu ntayo yagiraga, abasha kwizigamira ibihumbi ijana ku kwezi ndetse akanagura umusaruro ukomoka ku buhinzi bw’ibigori by’abaturage.

Izindi wakunda

Bwiza.com
error: Alert: Ntabwo byemewe!!