bwiza.com
Ahabanza » Ubushinwa bwikomye Ubwongereza ku bibazo bya Hong Kong
Amakuru mu mahanga

Ubushinwa bwikomye Ubwongereza ku bibazo bya Hong Kong

Minisiteri y’Ububanyi n’Amahanga y’Ubushinwa yikomye igihugu cy’Ubwongereza  ku bijyanye no kwijandika mu bibazo bya Hong Kong.

Mu minsi mike ishize, Umunyamabanga wa Leta muri Minisiteri y’Ububanyi n’Amahanga y’Ubwongereza, Jeremy Hunt yatangaje ko  igihugu cye kizakomeza gushyira igitutu ku Bushinwa bitewe n’inguvu z’umurengera zikoreshwa mu guhangana n’abigaragambya muri Hong Kong.

Hunt yabwiye BBC ko Ubushinwa  buzagerwaho n’ingaruka nibutubahiriza amasezerano y’uburenganzira bwa muntu yashyiriweho umukono muri Hong Kong.

Bakimara kumva ibi, Abashinwa bikomye Ubwongereza bavuga ko ibyo burimo bisa n’ubukoloni.

Amabasaderi w’Ubushinwa mu Bwongereza,  Liu Xiaoming mu kiganiro n’abanyamakuru yavuze ko Ubwongereza bukwiriye kureka kwijandika mu bibazo bya Hong Kong.

Liu yavuze ko ibi bishobora kuzana agatotsi mu mubano w’ibihugu byombi. Ni imvugo yatumye uyu mudipolomate atumizwa na Minisiteri y’Ububanyi n’Amahanga y’Ubwongereza.

Ubushinwa bukomeje kunenga ibihugu byo mu burengerazuba buvuga ko birimo gutiza umurindi abigaragambya. Abigaragambya basaba ko abakekwaho ibyaha bazajya baburanishirizwa muri Hong Kong aho kujyanwa mu Bushinwa.

 

 

Izindi wakunda

Bwiza.com
error: Alert: Ntabwo byemewe!!