bwiza.com
Amakuru Politiki

Zoe Kabila aravuga ko yahawe kuyobora intara ifite umwenda wa miliyoni z’Amadolari

Guverineri mushya w’Intara ya Tanganyika, muri Repubulika iharanira Demokarasi ya Congo, Zoe Kabila, akaba n’umuvandimwe wa Joseph Kabila wahoze ari perezida w’iki gihugu, aravuga ko yasigiwe umwenda wa miliyoni 5 z’Amadolari intara ye igomba kwishyura.

Kuwa Gatatu ushize, itariki 03 Nyakanga nibwo yagejeje gahunda y’ibikorwa ateganya gukora ku nteko y’intara. Aha niho Zoe Kabila yavuze ko yasanze intara ifite umwenda wa miliyoni 5 z’Amadolari y’Abanyamerika.

Guverineri mushya wa Tanganyika akaba avuga ko uyu mwenda yasigiwe n’uwo yasimbuye, Richard Ngoie Kitangala udafitiwe ibisobanuro by’uko wagiye ufatwa nk’uko iyi nkuru dukesha urubuga 7sur7.cd ikomeza ivuga.

Zoe Kabila yavuze ko amakuru bafite yavuye mu bugenzuzi bw’imikoreshereze y’imari y’intara ku buyobozi bucyuye igihe, ashinja abayobozi gusiga ibirarane by’imishahara, hatagaragara imishinga yakozwe, irimo gukorwa cyangwa itaruzuye. Avuga kandi ko intara ifite ikibazo cy’imari, n’umwenda wa miliyoni 5 z’Amadolari ¾ byawo utabonera ibisobanuro.

Iyi komisiyo yashinzwe ubugenzuzi ikaba yarashyizweho ku itariki 03 Kamena n’Inteko y’Intara ya Tanganyika.

Izindi wakunda

Bwiza.com
error: Alert: Ntabwo byemewe!!