bwiza.com
Imikino

CECAFA 2019:Jules Ulimwengu yafashije Rayon Sports gutsinda TP Mazembe

 

Rutahizamu wa Rayon Sports Jules Ulimwengu yafashije Rayon Sports gutsinda ikipe ya TP Mazembe yo muri Congo igitego kimwe ku busa.

Rayon Sports hamwe n’umutoza mushya, umunya Cameroon Ovambe Olivier batsinze TP Mazembe igitego kimwe ku busa ku munota wa kane w’ umukino.

Wari umukino wa CECAFA Kagame Cup mu itsinda rya mbere aho wabereye kuri stade Amahoro i Remera.Iyi mikino ya CECAFA Kagame Cup irikubera mu Rwanda kuva kuwa 6 Nyakanga 2019.

Rayon Sports yatangiye umukino isatira mu buryo bukomeye bituma ibona igitego ku munota wa kane gitsinzwe na Jules Ulimwengu ku mupira yahawe neza na Iranzi Jean Claude.

Amakipe yombi yakomeje gusatirana ariko igice cya mbere kirangira Rayon Sports iyoboye umukino ku gitego kimwe ku busa. Wari umukino utegerejwe n’abantu benshi cyane kuko TP Mazembe Ni imwe mu makipe atanu akomeye ku mugabane wa Africa.

Mu gice cya kabiri TP Mazembe yaje isa n’iyariye amavubi isatira mu buryo bukomeye ariko Gikundiro ikomeza kwihagararaho.Umukino waje kurangira ku nsinzi ya Rayon Sports n’igitego kimwe ku busa bituma abakunzi ba Rayon bataha bamwenyura.

Ikipe ya Rayon Sports yari igizwe n’abakinnyi batandukanye dore ko hafi ya bose ari bashya muri iyi kipe ikomoka i Nyanza. Rayon Sports yabanjemo abakinnyi yaguze mu minsi ishize mu rwego rwo kubamenyereza.

Undi mukino wabaye muri iritsinda rya mbere watangiye KMC yo muri Tanzania inganyije na Atlabara yo muri Sudan y’Epfo igitego kimwe kuri kimwe.

Iri tsinda riyobowe na Rayon Sports n’amanota atatu igakurikirwa na Atlabara na KMC zifite inota rimwe ndetse na Mazembe iri ku mwanya wa nyuma.

Nkurunziza Viateur@bwiza.com

Izindi wakunda

Bwiza.com
error: Alert: Ntabwo byemewe!!